Nota de prensa
Os mariñanos solicitan a reedición do Km0 Surf-Camp Deputación de Lugo
– Segundo datos de Google, máis de 1.000 persoas seguiron puntualmente toda a información do evento mediante o espazo km0surf.deputacionlugo.org
– 34 medios de comunicación provinciais, autonómicos e estatais fan eco do km0 Surf Camp garantindo a promoción da Mariña que se marcou como obxectivo a Deputación
– 90 persoas sumáronse á sesión de surf deste domingo na praia focense da Rapadoira, superando todas expectativas malia as choivas rexistradas na zona
Éxito do Km0 Surf-Camp Deputación de Lugo. O evento co que o organismo provincial en colaboración con David Martínez –propietario da tenda ribadense “Hola Ola”-, e o clube Surfiños de Foz, celebrou esta fin de semana na Mariña concentrou a centos de persoas na costa lucense. O mal tempo non impediu que numeroso público achegado dende Madrid, Asturias, Ourense, Santiago, Lugo e Vigo participase xunto á elite nacional de surf nas actividades totalmente gratuítas que se desenvolveron durante 3 días na costa lucense. O éxito foi tal que os mariñanos xa solicitaron a reedición do evento ó organismo provincial. Esta petición tamén foi plantexada polos propios campións nacionais de surf e decenas de participantes no espazo www.facebook.com/km0surfcampdeputacionlugo. Ademais, segundo datos de Google máis de 1.000 persoas seguiron puntualmente toda a información do evento a través do espazo km0surf.deputacionlugo.org.
Ducias de persoas, moitos delas representantes da prensa, que seguiron o Km0 Surf Camp amosan que a Deputación acadou obxectivo marcado con esta iniciativa: promocionar ó exterior a Mariña mediante a posta en valor da súa riqueza medioambiental e o deporte. Deste xeito, con esta iniciativa logrouse que se fale da costa lucense en 34 medios de comunicación tanto a nivel provincial e autonómico como estatal:
-prensa escrita: La Voz de Galicia, El Progreso, Efe, ABC, El País, Xornal de Galicia, Público, Grupo Vocento, de Luns a Venres, 20 minutos, El Imparcial, Diario de Bergantiños, Que.es, blog A remojo, blog de occy, weblog.benquerencia.surf, surfgaliza.com, surfslipe.wave, e Surfer Rule, unha das revistas máis importante a nivel nacional que xa destaca na súa portada dixital o Km0 Surf-Camp da costa lucense. Ademais, tamén se impulsa a imaxe da Mariña coa información que publicará o fotoxornalista presente no evento Cedric Debarrós, responsable de Parafine, a publicación máis importante en Brasil sobre este deporte, ademais de corresponsal de Beach Brother e de Tres 60, a revista máis destacada en Francia en esta materia e unha das máis importantes en España, respectivamente.
– televisións: Localia Galicia, TVG, Veo 7 –canal de El Mundo-, youtube.com, Messenger canal
– radios: Ser, Cope, Radio Galega, RNE, Radio Voz, Radio Foz, Radio Burela
Expectativas superadas
O índice de participación esperado superouse na maioría das actividades celebradas malia as choivas que se rexistraron na zona. 90 persoas chegaron a sumarse á sesión de surf deste domingo na praia focense da Rapadoira. Nun principio, estaba prevista a participación dunhas 40 persoas, de entre 8 a 49 anos, que empregaron sen custe algún o equipamento que lles facilitou a Deputación. Tamén o sábado, numero público asistiu á demostración de wake-surf nocturna na Ría de Ribadeo na que, como novidade, se empregou un sistema nunca antes visto en España: as táboas con luces “led”.
Co Km0 Surf-Camp a Deputación quixo, ademais de dar a coñecer a Mariña mediante o deporte, reivindicar unha vez máis a súa riqueza medioambiental como unha oportunidade económica única. Deste xeito, o Presidente da institución, José Ramón Gómez Besteiro, representantes da Federación Española do Surf, e os 14 campións nacionais que fixeron de embaixadores da Mariña este fin de semana, visitaron a praia das Catedrais e realizaron un treito do Camiño da Costa.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
