Nota de prensa
VILLARES NON ENTENDE QUE LLANO PODA ESTAR MOLESTO POR NON INTERVIR NUN ACTO CELEBRADO NUN CONCELLO QUE NON É O DEL
* Recordou que o rexedor burelés a miúdo ten que ofrecer discursos en actos oficiais vencellados con institucións supramunicipais ubicadas no seu concello como o Hospital da Costa ou a Capitanía Marítima
* Para o rexedor cervense o Goberno local burelés é “especialista” en faltar ao respecto a outras localidades e puxo como exemplo a súa reincidencia en organizar unha festa gastronómica adicada ao ourizo unha semana antes da XX Festa do Ourizo de San Ciprián
Cervo, 12 de marzo de 2011.- O alcalde de Cervo, Alfonso Villares, amosou hoxe a súa estrañeza polas criticas vertidas nos medios de comunicación por Alfredo Llano, rexedor de Burela, por non ter a oportunidade de intervir no acto de posta en funcionamento da nova ETAP da Senra celebrado no día de onte.
Villares, quen non quixo entrar en polémicas localistas neste asunto, sinalou que nestes casos o protocolo oficial marca que sexa a autoridade municipal onde se está a celebrar o acto quen faga uso da palabra. Recordou tamén que as súas palabras foron feitas co ánimo de cordialidade e entendemento dos dous concellos “e nunca en ton de enfrontamento ou diferencia”. Ao fío disto recordou que a infraestrutura que se estaba a inaugurar onte está ao 100% no término municipal de Cervo “e os recursos hídricos dos que se abastece tamén están en Cervo” dixo.
Exemplo no seu municipio
O rexedor cervense díxolle a Llano que debería ser particularmente sabedor desta forma de proceder en canto ao protocolo oficial marcado polas institucións, “xa que el, como alcalde de Burela, a miúdo ten que presidir actos oficiais vencellados con institucións supramunicipais ubicadas no seu concello como o Hospital da Costa ou a Capitanía Marítima. En tódolos casos é el quen intervén nos discursos a pesares de tratarse de infraestruturas ou institucións que abranguen a máis municipios co seu, e a pesares, tamén, de que en moitos destes actos tamén estamos presentes outros alcaldes” recalcou.
Falta de Respecto
Por último, Villares rexeitou as acusacións do alcalde burelés de falta de respecto aos cidadáns de Burela. “Parécenme unhas declaracións fora de lugar por completo. Non sei a que se debe esa reacción pola súa parte, aínda que si quere falar de falta de respecto non está de máis recordarlle el e os seus compañeiros de Goberno son uns especialista niso de faltar ao respecto a outras localidades. ¿Ou de que outro xeito de podería cualificarse a decisión do grupo de Goberno de Burela de organizar un ano máis unha celebración gastronómica de ourizo unha semana antes da Festa do Ourizo de San Ciprián? Iso si que é unha falta absoluta de respecto por parte dos gobernantes bureleses, e tamén sabemos que nisto nada teñen que ver os veciños desa vila” recalcou Alfonso Villares
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
