Nota e prensa
SUÁREZ BARCIA AGARDA QUE A VISITA DO PRESIDENTE DA XUNTA SIRVA PARA DESBLOQUEAR CUESTIÓNS QUE LEVAN PARALIZADAS DOUS ANOS. O REXEDOR ALUDIU Á LICITACIÓN DAS OBRAS DE REHABILITACIÓN DA RECTORAL DE OVE E DO ANTIGO COLEXIO DAS MONXAS PARA CONVERTELOS NUN CENTRO DE DÍA PARA ENFERMOS DE ALZHEIMER E NUN ALBERGUE DE PEREGRINOS.
Ribadeo, 24 de marzo de 2011. O alcalde de Ribadeo, Fernando Suárez, agarda que a visita de mañá do presidente da Xunta sirva para desbloquear cuestións que levan paralizadas dous anos coma a licitación das obras de rehabilitación e ampliación da rectoral de Ove e as de rehabilitación do antigo colexio das monxas na rúa Trinidade.
O rexedor sinalou que “aproveitando que mañá vai vir o presidente da Xunta a poñer en funcionamento a nova depurador, gustaríame que a visita servise tamén para desbloquear actuacións que no seu momento iniciou o bipartito e que a Xunta actual ten paralizados, non din que non, pero tampouco van para adiante e iso que levan dous anos no goberno autonómico”.
Fernando Suárez asegurou que “se trata de cuestións sensibles, moi importantes, moi demandadas e moi queridas por todos os nosos os veciños, como pode ser a nova gardería infantil, que boa falta lle fai dado que a actual ten saturada a súa capacidade, a pesares de que foi ampliada hai tres anos. E refírome tamén a desbloquear o que de maneira inexplicable está bloqueado desde hai dous anos que é a licitación das obras que permitan rehabilitar e ampliar a antiga rectoral de Ove co fin de convertela nun centro de día para persoas enfermas de alzheimer”. O alcalde explicou que “en Ribadeo superan o centenar, segundo os datos que manexan os técnicos do Concello, as persoas afectadas por este mal en diferentes graos e o saben moi ben os seus familiares que os teñen que coidar día a día”.
Suárez Barcia lembrou que “a Xunta tamén ten paralizada de xeito inexplicable e cun grave perigo de seguridade pública a licitación das obras do colexio das monxas na rúa Trinidade, que está a piques de virse todo abaixo e de provocar un auténtico colapso e un perigo para os viandantes que por alí pasan. O proxecto era convertelo nun albergue de peregrinos e que ao mesmo tempo puidese redundar en recuperar unha parte do patrimonio arquitectónico do casco vello de Ribadeo para poñelo en valor desde o punto de vista turístico”.
O alcalde de Ribadeo pensa que “nun contexto de crise as políticas dos gobernos teñen que volcarse en dinamización económica desde logo, pero tamén nos servizos sociais porque hai que apoiar a quen máis o precisa e os nenos e a xente maior son dous colectivos importantes. Os nenos por esa igualdade e por esa conciliación da vida laboral e familiar que todos predicamos e a xente maior para que poidan ter lugares coma ese centro de día para enfermos de alzheimer e seguidamente tería que vir unha residencia para a terceira idade. Confío en que o señor Feijoo nos alegre mañá e diga que vai desbloquear o que leva dous anos de xeito inexplicable paralizado”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
