Nota de prensa:
O BNG ACUSA AO ALCALDE DE MURAS DE UTILIZAR O CARGO PARA O SEU PROPIO BENEFICIO E NON PARA TRABALLAR POLO CONXUNTO DOS VECIÑOS E VECIÑAS DE MURAS
Os nacionalistas denuncian que en Muras pode haber un caso de información privilexiada e tráfico de influenzas co Fondo de Compensación medio ambiental
O alcalde de Muras e persoas achegadas poderían estar beneficiándose dunha boa parte dos 650.000 destinados a creación dunha aldea etnográfica no concello
A Mariña, 25 de marzo de 2011. O BNG denunciou un posíbel caso de tráfico de influencias coa utilización de información privilexiada en beneficio do alcalde e persoas achegadas co proxecto para a aldea etnográfica proxectada para Muras e promovida polo goberno local con financiamento da Consellaría de Presidencia con cargo ao Plan de Compensación Medio Ambiental. Os nacionalistas sospeitan que poderíamos estar diante dunha utilización fraudulenta de fondos públicos coa adquisición por parte do concello de inmobles e terreos para este fin, ao aprobarse unhas bases polo concello de Muras que coinciden coas características das propiedades que o propio alcalde e persoas achegadas tiñan adquirido con anterioridade e que finalmente foron as elixidas polo goberno municipal que preside Issam Alnagm Azzam para a execución deste proxecto.
O BNG pide que se investigue o sucedido en Muras co Fondo de Compensación Ambiental
Para o Portavoz Comarcal do BNG mariñao, Antonio Veiga, “cando menos estamos diante dun asunto que debe ser investigado e aclarado xa que cabe ademais da evidente existencia de información privilexiada, a sospeita dun posíbel caso de tráfico de influenzas”. Veiga afirmou que o Conselleiro de Presidencia, Alfonso Rueda, tamén debe dar explicacións sobre o destino de fondos públicos do Fondo de Compensación Medio Ambiental no caso de Muras, “que no canto de beneficiar aos veciños de Muras, unha boa parte deles parecen ir destinados a beneficio dun destacado militante do Partido Popular”.
O alcalde de Muras utiliza o cargo no goberno local no seu propio beneficio e non no dos veciños e veciñas.
Os nacionalistas denuncian que o alcalde de Muras, Issam Alnagm Azzam, podería estarse beneficiando directamente dunha subvención para a creación dunha aldea etnográfica no lugar de Carelle pertencente á parroquia de Burgo, promovida polo propio concello e financiada co Fondo de Compensación Ambiental pola instalación de parques eólicos no seu concello. Segundo a información recompilada polo BNG, Issam Alnagm Azzam e propietario de varias fincas e propiedades inmobiliarias que pretenden converterse nunha aldea etnográfica coa axuda deste fondo provinte da Consellaría de Presidencia por importe de 650.000 euros, “dos que unha parte irían parar ao peto do alcalde e persoas achegadas” ao elaborarse unhas bases polo concello de Muras para a compra onerosa deses terreos que coinciden coas características das propiedades do propio alcalde.
Bases feitas a medida para encaixar coas propiedades que o alcalde xa tiña adquirido con anterioridade.
O prego de condicións administrativas para “adquisición de terreos e inmobles para a execución de aldea etnográfica en Muras. Anualidade 2010: adquisición de bens inmobles e redacción de proxecto de rehabilitación” aprobadas polo pleno de Muras o 11 de outubro de 2010 e publicadas mediante anuncio no BOP de Lugo o 15 de outubro do mesmo ano recollen as características dos terreos e inmobles a adquirir polo concello de Muras mediante un expediente de xeración de créditos ao amparo da Resolución da Consellaría de Presidencia, Administracións Publicas e Xustiza de 6 de outubro de 2010, que resolve a Orde de 25 de xuño de 2010 que regula a convocatoria de axudas do Fondo de Compensación Medio Ambiental polo que se outorgan ao Concello de Muras axudas por importe de 649.744,28 euros para a creación dunha aldea etnográfica.
Nas condicións para a adquisición dun conxunto de terreos e bens inmobles incluídas no referido prego de condicións, outorgase un prazo de dez días para a presentación de propostas que deben reunir as características de estar enclavados en “solo rústico de protección de espazos naturais por estar afectos a LIC rede natura, que por si solas ou en conxunto con outras lindantes ou próximas ofertadas, albergar una aldea etnográfica”. As características definidas nas bases de contratación coinciden cun conxunto de propiedades adquiridas con anterioridade polo alcalde e persoas próximas, segundo consta na documentación en poder do BNG, que foron presentadas como proposta e aprobadas na resolución do concurso polo concello que preside o alcalde do PP, Issam Alnagm Azzam
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
