COMUNICADO DE PRENSA DO BNG DE RIBADEO
Ante a visita do Sr. Feijoo a Ribadeo
Ante a visita que o Sr. Feijoo vai facer a Ribadeo, o BNG non pode evitar lembrarlle unha serie de consideracións relativas á nosa comarca, nomeadamente ao noso Concello.
1. Sr. Feijoo: acábase de saber que o TSXG ven de confirmar nunha sentenza que o concurso eólico elaborado polo anterior goberno bipartito nunca debeu ser paralizado, pois era plenamente legal. Que inxenua e pueril resulta a resposta do Sr. Juan Guerra (conselleiro de economía e industria) afirmando que neste tema a Xunta actuou honestamente. Só faltaría que o fixera a mala conciencia! Que conste que hai moita xente que só pode pensar iso: que o fixo por amolar e defender intereses privados, non o ben común.
2. Sr. Feijoo: entre os beneficiarios do anterior concurso eólico estaba “Ventos Cooperativos” (o xermolo do grupo lácteo galego) con 192 megawatios. Ben que sentiron os labregos de todo o país, os da Mariña tamén, que se truncara este proxecto. Todos sabemos do bo facer de cooperativas como Feiraco ou Os Irmandiños. Por desgraza, tamén acabamos sabendo da chapuza xurídica dun reparto eólico que ía ser, inicialmente, por adxudicación directa e despois cambiaron a concurso; un concurso no que inicialmente poñían unhas condicións e, no medio do proceso, mudaron ao calado: así foi o seu concurso eólico.
3. Sr. Feijoo: na Mariña, en Ribadeo, sentímonos moi defraudados por ter impedido vostede de xeito caprichoso, parcial, e moi interesado para algunhas empresas privadas alleas ao país, o que era un proxecto ilusionante que supoñía importantes inversións para o noso agro. Outros proxectos industriais centrados no país tamén esmoreceron por mor da súa decisión persoal. Paralizouse o sector eólico e nel perdéronse ata 3000 postos de traballo.
4. Sr. Feijoo: van xa dous anos de goberno seu. Déixese de maquinacións. Faga algo. Aporte solucións, non problemas nin culpas. Agora que está en Ribadeo deixe de lle botar a culpa aos cregos e poña en marcha as obras importantes que ten pendentes no noso concello. Para cando a rehabilitación e ampliación da reitoral de Ove, futuro centro de día para enfermos de alzheimer? Para cando a licitación das obras do antigo colexio das monxas e futuro albergue de peregrinos? Para cando a escola infantil? Todos eles son proxectos aprobados que, misteriosamente, desde que chegou vostede ao goberno, quedaron paralizados. Faga algo, Sr. Feijoo. Pero xa!
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
