Nota de prensa
Basanta denuncia que esta situación afectan de xeito directo a corenta focegos
O BNG solicita no Parlamento axudas para embarcacións e tripulacións do cerco obrigadas a parar polas cotas do lirio e da xarda
Foz a 11 de febreiro de 2011.- O Bloque Nacionalista Galego rexistrou este xoves unha Proposición Non de Lei no Parlamento de Galiza no que insta ao Goberno autonómico a que habilite liñas de axuda a fin de amortiguar as consecuencias que no segmento da flota do cerco vai provocar a paralización da actividade como consecuencia das cotas de pesca impostas pola Comisión Europea para a xarda.
“A Xunta ten que mollarse e deixar de mirar para o outro lado” afirmou Basanta quen denunciou que “esta medida afecta de forma directa a preto de corenta mariñeiros focegos que foron á pesca da xarda nas catro tarrafas da nosa localidade con base en Burela. Non é de recibo a posición da administración autonómica que se apunta a non gobernar, cando os propios responsábeis da Consellaría de Pesca deron por bo nun primeiro momento o reparto da Comisión”. Na mesma liña o Portavoz do BNG de Foz indicou que “a resultante final do actual reparto de cotas ten unhas consecuencias moito peor das agardadas, posto que a paralización da actividade dáse antes do esperado posto que os barcos ás penas pescaron durante unha semana para alcanzar o tope de capturas”.
O nacionalista referiuse “as graves consecuencias económicas que esta decisión ten para o conxunto do sector pesqueiro focego pero tamén a totalidade do pobo. Pensemos nesas preto de corenta persoas e as súas familias que tiñan posto importantes esperanzas nesta campaña e cuxos ingresos depende do total de capturas, fican sen sustento algún. Armadores e mariñeiros, fican pillados posto que os créditos, as letras, os alugueres eses si que non paran. Pero hai máis, posto que estamos a falar de persoas que fan os seus gastos en Foz, que compran e consumen nos nosos comercios e negocios e cuxo poder adquisitivo vaise ver totalmente anulado e tamén falamos de embarcacións que para estas campañas compran e fan gasto nos negocios locais. ”.
Xan Carlos González Basanta volveu a incidir a situación no que fica en Foz o sector de transformación desta localidade “que en 2009 actividade transformaron arredor de 16.000 toneladas de corriolo, pouco menos da cota total que hoxe se lle asigna ao Estado, ocupando durante tres meses só nas labores de conxelado e fileteado nos diferentes centros de traballo que existen na Mariña a preto de 200 persoas, o ano pasado a actividade limitouse só a un mes. Non só estamos poñéndolle freo a unha industria cuxo nivel de facturación xa andaba por riba dos 30 millóns de euros, unha industria que estaba nun proceso continuado de expansión, unha industria que destinaba a maioría do seu producto a exportación a mercados exteriores de países emerxentes e que polo tanto xogaba un importante papel no equilibrio do déficit comercial da zona, senón que vai ter unhas consecuencias en termos de emprego importantísimas”.
Os nacionalistas referíronse por ultimo as declaracións efectuadas polo PP en relación coa posición do BNG neste tema, afirmando que “non imos permitir leccións dun partido que en Galiza e en Foz se converteu nunha autentica máquina de crear desempregados ata o punto de que hoxe ten que responder e dar unha solución a situación na que se atopan os mariñeiros de Foz. Salta a vista o nulo compromiso do PP co sector pesqueiro de Foz do que tanto alardearon os populares locais, a indiferencia coa que toman esta situación e particularmente coa súa ausencia de alternativas. Outro tanto acontece coa súa posición de cara ao sector da transformación, deixado a intemperie pola Xunta de Galiza”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
