O BNG TRASLADA AO PARLAMENTO A DEMANDA PARA LIMPAR OS LODOS ACUMULADOS NO ENCORO DE RÚA QUE ABASTECE DE AUGA A CERVO E BURELA
A Xunta négase agora a retirar os lodos que ocupan o 25% da capacidade do encoro
Os nacionalistas queren evitar que Cervo e Burela paguen a auga mais cara do país
O BNG de Cervo e Burela por medio de Neves Cando e Xoán Antón Estúa criticaron o incumprimento do compromiso incluído no proxecto de abastecemento de auga aos concellos de Cervo e Burela derivado das compensacións pola segregación dos dous concellos en 1995. Os nacionalistas lembraron que foi un goberno autonómico do PP o que asinou a segregación, prometeu garantir un abastecemento de auga sen custe algún para os cidadáns, comprometeron un proxecto ambicioso, dragando o encoro de Rúa para evitar os bombeos de auga desde o encoro de Río Covo polo elevado custe de explotación e agora vemos como haberá que pagar a obra e os bombeos cando sexan necesarios, trasladando aos veciños e veciñas dos dous concellos os incumprimentos dos compromisos dos gobernos autonómicos do PP de antes e de agora.
Os veciños de Cervo e Burela pagarán a auga mais cara do país
Ambos representantes nacionalistas explicaron que o proxecto de abastecemento contemplaba incrementar a capacidade do encoro de Rúa, diminuída nun 25% por acumulación de lodos, xa que este depósito permite pola súa altura abastecer por gravidade aos dous concellos e só se utilizaría a captación alternativa dende Río Covo en casos excepcionais polos elevados custes de explotación derivados da necesidade de bombear auga á planta potabilizadora da Senra. A negativa do actual goberno galego de executar o dragado repercutirá necesariamente no prezo dos recibos polo que os veciños de Cervo e Burela pagarán a auga mais cara do país ao incluír a obra, os elevados custes de explotación e a suba prevista na nova Lei de Augas aprobada recentemente polo PP.
Os dous concellos aprobaron acordos plenarios esixindo o dragado do encoro de Rúa
Os plenos das corporacións de Cervo e Burela acordaron no mes de novembro pasado instar á Xunta de Galiza a executar o dragado da presa de Rúa e curiosamente no mesmo mes a Delegada Territorial da Xunta, Raquel Arias, anunciaba a execución da obra. Aínda así, nin os orzamentos autonómicos para 2011 incluíron partida algunha para esta obra, nin o PP no Parlamento Galego aceptou aprobar unha emenda nacionalista para incluír unha partida económica para este fin.
O PP terá a oportunidade de decidir si quere ou non evitar que Burela e Cervo paguen a auga mais cara que os demais concellos do país.
Cando e Estúa anunciaron a presentación dunha iniciativa parlamentar na que se insta á Xunta de Galiza a executar no prazo de seis meses o dragado do encoro de Rúa. Os nacionalistas afirmaron que despois da petición de ambas corporacións e os anuncios feitos públicos pola Delegada Territorial da Xunta en Lugo, non sería comprensíbel un voto negativo a esta petición que ademais de recuperar o que xa estaba previsto con anterioridade, evitará que á cidadanía de Cervo e Burela paguen a auga mais cara do país.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
