Nota de prensa:
Arranca a formación do Pacto Provincial polo Emprego que beneficia a 576 desempregados da provincia
– 176 persoas iniciaron os primeiros cursos cos que a Deputación insertará laboralmente a estes desempregados nas profesións con máis futuro en Lugo
– As mulleres cun 82% e os menores de 30 anos cun 35% son os maiores beneficiarios desta iniciativa á que se presentaron 1.600 persoas, case o triple das prazas ofertadas
– Por zonas, 196 seleccionados participarán nos cursos que se imparten na Mariña, 138 nos municipios do sur da provincia e 246 nos da zona centro
– A formación ten un custe 0 para os participantes, polo que a Deputación lles aforra de media 2.000 euros; a cantidade que deberían pagar se fixesen os cursos por conta propia
A Deputación arrincou a formación do Pacto Provincial polo Emprego coa que o organismo provincial favorece a inserción laboral de 576 desempregados da provincia nas profesións con máis futuro en Lugo, e que foron previamente diagnosticadas dentro do programa que está cofinanciado nun 80% polo Fondo Social Europeo. Precisamente, o Presidente da Deputación, José Ramón Gómez Besteiro, acompañado da Vicepresidenta Terceira, María Xosé Vega Buján, e do Alcalde de Monforte, Severino Rodríguez, visitou este luns o curso de “Servizos de Restaurante”, de 620 horas de formación, que se celebra no edificio multiusos do municipio da Ribeira Sacra. Gómez Besteiro subliñou que “sen dúbida este é o mes do emprego na Deputación. O día 1 comezaban a traballar 548 desempregados co Lugo Emprega e, esta mesma semana máis de 100 persoas comezaron a recibir formación nas profesións con máis demanda. Dende a Deputación temos unha teima: crear emprego. Na provincia houbo 25.371 euros durante o mes de febreiro, o que supuxo un incremento de 12,88%. Ante esta situación, eu pregúntome que fai Feijóo, porque a día de hoxe, e así levamos dous anos, aínda non temos unha iniciativa da Xunta que contribúa a frear o paro”.
En total, 176 persoas iniciaron dende o pasado mércores a formación que se está a desenvolver en distintos puntos da provincia para favorecer a participación dos admitidos. Ademais, do curso inaugurado polo máximo mandatario provincial, no municipio da cidade do Cabe tamén se está a desenvolver o de “Atención Sociosanitaria en Institucións”, que dispón de 490 horas de formación.
As accións formativas teñen unha duración de 100 horas por mes. Deste xeito, hoxe iniciouse o de “Promoción Turística” –de 730 horas-, en Ribas de Sil; o de “Atención Sociosanitaria a Domicilio” – de 640 horas-, en Viveiro; e o de “Aproveitamento Forestal” –de 640 horas- no Valadouro. Este último tamén se impartirá dende mañá en Guitiriz xunto cos de “Atención Sociosanitaria” en Monterroso e Palas de Rei. Este mesmo comezará o mércores en Foz, xunto co de “Servizos de Restaurante”; accións formativas que comezarán o xoves en Becerreá, Chantada e Vilalba.
Asimesmo, dende o día 9 tamén se está impartir o de “Atención Sociosanitaria a Domicilio e Institucións” nos municipios de Ribadeo, Vilalba e Burela. O día 10 deu comezo esta mesma acción formativa en Fonsagrada, así como os de “Promoción Turística”, “Aproveitamento Forestal” e “Servizos de Restaurante” en Mondoñedo, Meira e A Fonsagrada.
Ademais dos citados anteriormente, impartiranse os seguintes cursos: operacións básicas de pisos e aloxamento (420 horas); técnico en transporte sanitario (385); operacións de auxiliar de fabricación (380); auxiliar de enfermeiría en xeriatría e monitor sociocultural (300 horas); monitor de tempo libre (275); atención a enfermos de Alzheimer (250) e cuidador de discapacitados físicos e psíquicos (200 horas).
As mulleres e a mocidade, os grandes beneficiarios
As mulleres cun 82% e os menores de 30 anos cun 35% son os maiores beneficiarios desta iniciativa que tivo un grande éxito de convocatoria. En total, 1.600 persoas formalizaron as solicitude no INLUDES para participar no programa, case o triple das prazas ofertadas.
A formación está destinada a todos os desempregados da provincia, agás o do Concello de Lugo que ten máis de 5.000 habitantes e ten o seu propio Pacto. A formación comprende 45 relacionados coas áreas sociosanitaria, hostalería, turismo e forestal. Suman máis de 15.000 horas de formación e 60.000 de prácticas en empresas. A formación ten un custe 0 para os participantes, polo que a Deputación lles aforra a cantidade que deberían pagar se fixesen os cursos por conta propia, é dicir, unha media de 2.000 euros por persoa e máis de 1 millón de euros a todos os seleccionados. Os beneficiarios reciben unha axuda económica tanto na formación como nas prácticas equivalente ó 75% do IPREM, ou o que é o mesmo, uns 400 euros mensuais.
En canto á distribución por zonas, dos 576 participantes, 246 pertencen á Concellos da zona centro, na que se impartirán 19 accións formativas: Fonsagrada, Cervantes, Monterroso, Palas de Rei, Sarria, Vilalba, Rábade, Guitiriz, Meira, Castro de Rei, Castroverde, Portomarín e Baralla. Asimesmo, 192 mariñanos beneficaranse das 15 accións formativas que acollerán os municipios de Foz, Ribadeo, Viveiro, Burela, Mondoñedo, O Valadouro, Lourenzá e A Pontenova. Finalmente, para participar nos 11 cursos da zonas sur foron seleccionados 138 desempregados. Neste caso, os obradoiros celebraranse en Chantada, Monforte, Sober Ribas de Sil, Pobra de Brollón, Pantón e Bóveda.
Máis emprego na provincia
O Pacto Provincial polo Emprego, dotado con 3,4 millóns de euros, súmase a outros programa que o organismo provincial ten en marcha para crear traballo na provincia. Dentro do Lugo Emprega das 711 persoas que se contratarán xa están a pleno rendemento 624 desempregados de 63 Concellos da provincia. No caso, de Lugo os 73 beneficiarios farano a finais de mes. Polo que se refire a Incio, SUPLUSA publicou o xoves, 10 de marzo, no Boletín Oficial da Provincia a convocotoria, polo que a o proceso selectivo celebrarase este venres, de tal xeito que antes de que remate o mes as 7 persoas comezarán a traballar nas áreas verdes que xestiona a Sociedade Urbanística Provincial neste municipio. No caso de Lourenzá, os sete seleccionados, logo de que o Alcalde rexeitase a súa contratación, unha vez asinado o convenio de adhesión, redistribuiranse nos Concellos limítrofes.
Ademais, os 114 bombeiros que se contratarán para traballar nos parques construídos polo Consorcio continúan coa súa formación que rematará o 26 de abril, de tal xeito que o 1 de maio estarán todos traballando. Polo que se refire a SUPLUSA, a Deputación tamén crea traballo cos 10 centros de día e residencias que construirá noutros tantos Concellos. En total, coa execución destas infraestruturas a Deputación xera 120 empregos directos.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
