Nota de prensa
Os veciños non comprenden como é posible que o PSOE de Cervo basee a súa actividade política no boicot, en recortar proxectos, paralizar obras en vez de traer investimentos para o seu concello
O PP REFRESCA A MEMORIA A LARA MÉNDEZ E LÉMBRALLE QUE FOI A XUNTA BIPARTITA QUEN DECIDIU RECORTAR EN DOUS MILLÓNS DE EUROS O ORZAMENTO DO SANEAMENTO DE SAN CIPRIÁN
* Co PP no Goberno a obra de construción da estación depuradora e dos novos colectores de saneamento foi adxudicada cun orzamento de 6,5 millóns de euros. Tras a chegada do bipartito á responsabilidade de goberno na Xunta o orzamento desta actuación reducíuse a tan só 4,3 millóns de euros.
Cervo, 24 de marzo de 2011.- O Partido Popular de Cervo quixo refrescar a memoria a Lara Méndez e lembroulle que foi a Xunta bipartita a que decidiu recortar en preto de dous millóns de euros o orzamento inicial para a nova rede de abastecemento de San Ciprián o que implica que, a día de hoxe, tan só se teña rematado unha fase desta actuación e que a EDAR e a rede de colectores non poden entrar en servizo polo momento.
Os populares replican así as acusacións do PSOE que nun intento desesperado por agochar a imprudente actitude dos seus correlixionarios cando xestionaban a Xunta de Galicia, pretendía responsabilizar ao Concello pola situación desta obra. Insisten en que ademais o dato é facilmente contrastable por calquera, xa que a adxudicación feita polo Executivo autonómico de Manuel Fraga, o 6 de xuño de 2005, aparece no Diario Oficial de Galicia e ascendía a 6,5 millóns de euros, mentres que, tras anular esta decisión, a Xunta bipartita presentou un novo proxecto de tan só 4,3 millóns de euros que é o que ao final levouse adiante.
Desde o Partido Popular aseguran que os veciños de Cervo non comprenden como é posible que o PSOE basee toda a súa actividade política no boicot, en recortar proxectos, en paralizar obras, en vez de facer todo o contrario, isto é, en intentar traer obras e novos servizos para os seus veciños. En todo caso os populares adiantan que o Goberno municipal de Cervo, en colaboración cos actuais responsables da Xunta de Galicia corrixirán, como xa se está a facer noutros ámbitos, as erradas decisións da Xunta bipartita, pensando no mellor para os cervenses.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
