Nota de prensa
Á Mesa do Parlamento
José Manuel Balseiro Orol deputado do Grupo Parlamentario Popular de Galicia, ao abeiro do disposto no artigo 152 do Regulamento da Cámara presenta, ante esa mesa, a seguinte pregunta para a súa resposta oral en Comisión
A Deputación Provincial de Lugo vén de aprobar unha encomenda de xestión á Sociedade Urbanística Provincial (SUPLUSA) para a construción e xestión dunha decena de centros de atención a persoas maiores na provincia: residencias e centros de día. A través desta iniciativa, o organismo provincial, malia recoñecer que non ten competencias directas na materia, prevé executar un orzamento de 12 millóns de euros.
Curiosamente a pesares de que dos 67 concellos que ten a provincia de Lugo, un total de de 34 municipios (o 50,74 %) están gobernados por alcaldes do Partido Popular, só dous destes municipios foron elixidos como emprazamentos das futuras residencias polo Executivo bipartito.
Neste momento non existe constancia de que se efectuara ningún tipo de xestión ou toma de contacto coa Xunta de Galicia, administración competente no ámbito das infraestruturas de benestar, para consensuar os futuros emprazamentos, o tipo de xestión desas infraestruturas e o concerto das súas futuras prazas, algo que provoca certa inquedanza respecto da viabilidade e operatividade das residencias unha vez estean rematadas.
Esta non é a única actuación que está a desenvolver a Deputación de Lugo fóra das súas competencias estritas e sen o concurso e consenso da Xunta de Galicia. O Executivo bipartito provincial tamén ten previsto poñer en marcha o plan Plan Lugo Emprega.
A devandita acción foi aprobada no último pleno de 2010. Ten previsto contemplar un orzamento de 8 millóns de euros destinados á contratación non permanente de 712 persoas traballadoras nos concellos por un período máximo de seis meses.
Unha vez más a asignación do número de traballadores que lle corresponderán a cada concello fixase en función do número de habitantes e do número de parados, pero é o Goberno provincial quen se reserva a selección deste persoal nos municipios con menos de 5.000 habitantes, mentres que os de máis de 5.000 habitantes esta potestade corresponderalle o propio concello.
En relación con este asunto, o Grupo Parlamentario Popular formula as seguintes preguntas:
1.-) ¿Ten constancia a Xunta de Galicia da intención da Deputación de Lugo de construír unha decena de centros de atención ás persoas maiores nesta provincia? De ser así, ¿de que xeito?
2.-) ¿Efectuou algún tipo de xestión a Deputación Provincial de Lugo diante da Xunta de Galicia para consensuar os emprazamentos, tipo de xestión e futuro concerto das prazas que poidan ter as devanditas residencias?
3.-) ¿Que opinión lle merece á Xunta de Galicia a exclusión de practicamente todos os concellos gobernados polo Partido Popular –pese a ser máis da metade dos existentes na provincia- do plan de construción de residencias que desenvolve a Deputación Provincial?
4.-) ¿Ten constancia a Xunta de Galicia da intención da Deputación de Lugo de poñer en marcha o Plan Lugo Emprega? De ser así, ¿de que xeito?
5.-) ¿Efectuou algún tipo de xestión a Deputación Provincial de Lugo diante da Xunta de Galicia para consensuar esta acción de fomento temporal da empregabilidade tendo en conta que é un ámbito de competencia autonómica?
6.-) ¿Que valoración fai a Xunta de Galicia dos criterios empregados polo Goberno bipartito da Deputación Provincial de Lugo para seleccionar aos futuros beneficiarios deste plan de emprego?
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
