Nota de prensa
O CONCELLO AMOSOULLE O SEU APOIO INCONDICIONAL ÁS FLOTAS DE ARRASTRE E CERCO E DEMÁNDALLE AO GOBERNO A ADOPCIÓN DE MEDIDAS PARA CONSEGUIR UN INCREMENTO DAS COTAS DE LIRIO, CABALA, PESCADA, XUREL OU BERTORELLA. NO PLENO DE ONTE TAMÉN SE APROBARON INICIALMENTE OS ORZAMENTOS PARA 2011.
Burela, 4 de marzo de 2011. O Concello amosóulle o seu apoio incondicional ás flotas de arrastre e cerco e demándalle ao goberno a adopción de medidas para conseguir un incremento das cotas de lirio, cabala, pescada, xurel ou bertorella. No pleno ordinario de onte tamén se aprobaron inicialmente os orzamentos para 2011.
O alcalde, Alfredo Llano, sinlou que “no pleno aprobóuse por unanimidade a constitución da mesa local de comercio e aprobóuse inicialmente cos votos a favor do equipo de goberno e cos votos en contra do PP o orzamento para este 2011 que ascende a 6.214.000 euros. Esta cifra supón un incremento con respecto aos presupostos de 2010 do 1’66%”.
O rexedor dixo que “este orzamento foi elaborando tendo en conta a realidade que se está a vivir, do que se preocupa un é de facer a mellor xestión posible sen afectarlle ao futuro económico do noso concello. Hai que procurar que o equilibrio orzamentario nos dea perfectamente, tentamos conservar un certo remanente, un certo superávit e tratamos de manter aqueles servizos comprometidos no ámbito social e en obras. É un presuposto axustado e humilde, pero pensamos que nos servirá para ter unha referencia clara para todo este ano”.
Mocións
Llano contou que “tamén debatimos varias mocións, unha delas solicitando deixar sen efecto as liquidacións negativas dos anos 2008 e 2009. Ésta foi aprobada por unanimidade. Despois había outra moi importante en apoio do sector pesqueiro galego afectado polos recortes da cotas, aprobamos unha enmenda proposta polo equipo de goberno na que acordamos, entre outras cousas, amosar o apoio incondicional do Concello de Burela ás flotas de arrastre e cerco galegas e concretamente ás de Burela, dado que xeneran moitos empregos tanto na nosa comunidade como na nosa vila e demandar ao goberno a adopción de accións precisas para posibilitar o incremento das cotas da pesca, non só no que se refire ao lirio e a cabala senón tamén na pescada, no xurel, na bertorella e noutras especies que estamos a capturar”.
O corredor Barreiros-San Cibrao tamén centro parte do debate plenario de onte, “e despois rematamos o pleno con outra moción para instar ao Ministerio de Fomento a impulsar o corredor Barreiros-San Cibrao, aí tamén aprobamos unha enmenda na que incluimos non só a Fomento senón tamén instar á Xunta a que tome as medidas necesarias para que o corredor Ferrol-San Cibrao entre en servizo o antes posible. Nós puxémoslle a data do 2013, aínda que sabemos que será difícil”.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
