Nota de prensa:
Clausura e entrega de premios dos III Encontros de Banda Deseñada na Mariña
Na mañá do martes a biblioteca do IES Perdouro de Burela vestiuse de gala para a clausura dos III Encontros de Banda Deseñada da Mariña.
O acto estivo conducido pola profesora María José Andión Fontela, da área de innovación educativa, quen lle deu a palabra en primeiro lugar ao xefe de estudos do centro, Fausto López. Este agradeceu a colaboración das distintas institucións, do profesorado organizador e mais do alumnado que participou e concursou nestes encontros de banda deseñada.
Acto seguido, a tenente-alcalde do concello de Burela, Neves Cando, felicitou o centro educativo e os gañadores do certame de banda deseñada, e fixo votos pola continuidade destes encontros.
A continuación, Ramón Blanco, coordinador do equipo de normalización e dinamización lingüística do Perdouro, fixo públicos os nomes dos galardoados mentres os profesores Marga López Periago e Ricardo Santos Garrido facían entrega dos premios.
Na categoría escolar ata 14 anos, o primeiro premio foi para o traballo Halfy busca amigos, de Sara Fernández García e Itziar García, mentres que o segundo lle correspondeu a Mario e a atracción da morte, de Claudia Arias García e Amor Martínez Rupérez. As catro rapazas son alumnas do CEIP de Nois.
Na categoría escolar ata 18 anos, Amigos orixinais de Tania Díaz Vázquez, alumna do IES Perdouro, obtivo o segundo premio. O xurado declarou deserto o primeiro.
Na categoría aberta, Cristian Fojón Caruncho conseguiu impoñerse coa obra O home que liberou a fraga. A petición dos organizadores, este rapaz ortegano demostrou o seu talento improvisando un debuxo ante o público asistente. O segundo premio foi para Héctor Quintela González, por Bóla # 8.
O punto final púxoo unha divertida exposición do escritor Luís Ramilo, quen glosou a historia e desenvolvemento dos Encontros de Banda Deseñada na Mariña, experiencia novidosa e exitosa que xa está camiño de converterse nun referente indispensable das viñetas galegas.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
