Nota de prensa
O BNG de Foz aposta pola xestión pública dos servizos municipais cando goberne
Basanta declara que “nesta lexislatura o PP e o PSOE votaron xuntos para privatizar todos os servizos públicos”
Foz a 27 de abril de 2011.- Os membros da candidatura do Bloque Nacionalista Galego mantiveron unha xuntanza na xornada de onte onde someteron a debate as liñas mestras da proposta nacionalista para o Concello de Foz que xirará arredor do desenvolvemento económico e a creación de emprego, a mellora das prestacións e dos servicios sociais así como a democratización do Concello.
Neste sentido, o candidato nacionalista afirmou que o BNG é o único partido que cre na xestión pública dos servizos municipais e adiantou que levaran no seu programa a revisión das concesións a empresas privadas dos servizos públicos, como o da piscina, o mantemento do alumeado público, o da xestión da auga ou da axuda do fogar a dependentes, e un maior control da xestión realizada por estas. A intención final destas revisións será o rescate de ditas concesións para que volten a mans públicas. Neste sentido dicir que a concesión do servizo de augas, privatizado no seu día por populares e socialistas, demostrouse como un negocio ruinoso para os veciños de Foz. Primeiramente, porque non significou ningunha mellora no servicio e no estado da rede, pola contra a ninguén en Foz se lle escapa o estado rede, unha rede que no esencial segue sendo a mesma que a de finais dos setenta e dos primeiros oitenta, o que provoca problemas ano si e ano tamén segundo como veña a auga da choiva. Segundo, porque o sistema de depuración a marxe de ser absolutamente insuficiente para atender as necesidades do Concello nos meses de verán é unha evidencia que non funciona, até o punto de que non podemos falar en Foz de que contemos cunha rede de depuración. E en terceiro lugar, porque a contabilidade local demostra liquidación presupostaria tras liquidación presupostaria que a xestión privada da auga suponlle ao Concello un gasto anual de case 500.000 euros sen estar debidamente xustificado”.
Outro tanto ocorre coa xestión do mantemento do alumeado público que encareceu enormemente o gasto sen que se notase unha melloría no funcionamento do alumeado público. Todo o contrario, un maior descontrol no seu funcionamento (quedando días apagados ou alumando de día), menor coidado no seu mantemento e máis caro.
Na mesma liña o candidato nacionalista indicou que desde o BNG “tratarán que a axuda a domicilio volte outra vez a mans públicas e que a mesma se preste gratuitamente como xa se fai noutros Concellos, mellorando o seu funcionamento. Nesta lexislatura, o socio de goberno de Rivera, isto é o PP, apoiou ao goberno local para entregar ao negocio privado un servicio tan fundamental para os nosos maiores. As consecuencias non poden ser máis desastrosas na medida en que se encareceu moito o servizo cunha suba dun 50%, o que deixou a persoas do Concello sen poder acceder ao mesmo”.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
