Nota de prensa
Plantaranse manualmente 3.500 árbores autóctonas nunha actividade na que o colectivo cultural colabora xunto a outras asociacións pertencentes á Federación de Xuventude de Galicia, e o Concello de Cervo
A ASOCIACIÓN A SOMBRIZA IMPLÍCASE NO PROXECTO DE REFORESTACIÓN DO MONTE ESCARABELADA NO CONXUNTO HISTÓRICO ARTÍSTICO DE SARGADELOS
Animan a todo aquel que queira participar na plantación a achegarse á area recreativa das antigas fábricas de Sargadelos este sábado día 7 a partir das 9 da mañá.
Cervo, 06 de maio de 2011.- A asociación cultural A Sombriza asumiu o compromiso de implicarse no proxecto de reforestación do monte da Escarabelada no Conxunto Histórico-Artístistico de Sargadelos. Os membros deste colectivo cervense participarán nos traballos de repoboación forestal xunto ao colectivo xuvenil Dobre Espacio –organizador desta actividade-, outros colectivos pertencentes á Federación de Xuventude de Galicia (FEXUGA) á Consellería de Medio Ambiente e ao Concello de Cervo.
Desde A Sombriza animan a todo aquel que queira participar na plantación a achegarse á area recreativa das antigas fábricas de Sargadelos mañá sábado 7 de maio, a partir das 9 horas. A partir de entón comezarán os traballos para a reforestación deste monte, situado nun paraxe absolutamente marabilloso, con especies autóctonas.
Actualmente a zona a repoboar atópase plenamente dedicada a uso forestal cunha plantación monoespecifica de eucaliptos.O obxecto da actuación é lograr mediante unha repoboación protectora un triple obxectivo: devolver o espazo a un estado parecido ao orixinal, conducir a paisaxe a un novo nivel funcional de máis calidade que o presente e volver pór en valor unha zona que perdeu a súa capacidade.
Tal e como explica o colectivo cultural ademais esperan uns beneficios mediambientais de xeito indirecto como son a protección fronte á erosión , a regulación do ciclo da auga, unha maior fixación de CO2 , o mantemento da biodiversidade e dun espazo para o lecer asociado á paisaxe, á presenza de cogomelos e á proliferación e refuxio de especies cinexéticas.
A Xunta Directiva da Sombriza explicou que con esta actuación intentarán reproducir as características dun bosque propio da zona: os bosques autóctonos ou fragas. Estas masas forestais, que se atopan aquí moi preto da área de contacto entre os sectores bioxeográficos Galaico-Asturiano e Galaico-Portugués, constitúen a mellor representación sobrevivinte en Europa dos bosques atlánticos termófilos, co cal nos decantaremos cara a ese concepto, un bosque atlántico mixto, formado por diversidade de especies de frondosas na súa maioría e arbustos asociados a esas formacións.
carballo (Quercus robur)
abeleira (Corylus avellana)
freixo (Fraxinus excelsior),
pradairo (Acer pseudoplatanus),
espiño albar (Crataegus monogyna)
loureiro (Laurus nobilis)
erbedeiro (Arbutus unedo).
tezo (Taxus baccata),
acivro (Ilex aquifolium),
rebolo (Quercus pyrenaica),
carballo albar (Quercus petraea),
sobreira (Quercus suber),
olmeiro (Ulmus glabra),
cerdeira silvestre (Prunus avium)
castaño (Castanea sativa)
bidueiro (Betula celtiberica),
aliso (Alnus glutinosa)
salgueiros (Salix atrocinerea)
arraclán (Frangula alnus)
faia (Fagus sylvatica)
60.000 METROS CADRADOS E 3.500 ÁRBORES
A metodoloxía paisaxística seguida intentará reproducir as condicións que se puidesen dar no medio dun bosque real orientándonos cara a unha distribución máis naturalizada naturalizada. Para iso empregarase a distribución en triángulos equiláteros. As vantaxes desta fórmula son que nunha mesma superficie e coa mesma distancia entre pés hai espazo para un 15% máis de árbores.
A repoboación a realizar consta de 6 hectáreas aproximadamente, 60.000 metros cadrados, en total 3.500 árbores. A plantación será de modo manual e a planta con cepellón en envase.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
