Nota prensa
O aproveitamento hidroeléctrico do río Landro foi construído entre os anos 2006 e 2008 baixo a inspección e vixilancia da Xunta de Galicia e xa se atopa en explotación
O presidente de Augas de Galicia lembrou que esta infraestrutura non está incluída en ningún dos grupos que considera o acordo sobre aproveitamentos hidroeléctricos nos ríos galegos que adoptou o Parlamento con data o 8 de febreiro de 2011 e que será incorporado ao Plan Hidrolóxico Galicia – Costa
A Xunta de Galicia reitera a súa política marcada por unha clara vontade de restrinxir ao máximo os novos aproveitamentos hidroeléctricos
Santiago, 27 de maio de 2011.- O presidente de Augas de Galicia, Francisco Menéndez, compareceu hoxe ante a Comisión 2ª de Ordenación Territorial, Obras Públicas, Medio Ambiente e Servizos sobre o aproveitamento hidroeléctrico do río Landro, en Lugo.
Francisco Menéndez recordou que o proxecto de construción desta instalación foi aprobado mediante unha resolución o 30 xuño do ano 2005. Posteriormente á aprobación do proxecto, procedeuse á construción da hidroeléctrica dende o ano 2006 ata o ano 2008, baixo a inspección e vixilancia de Augas de Galicia. Finalmente, o 29 de xaneiro do ano 2010, despois de varias comprobacións técnicas nas que se examinaron aspectos hidráulicos e ambientais, autorizouse a explotación.
Francisco Menéndez lembrou que este aproveitamento non esta incluído en ningún dos grupos que considera o acordo sobre aproveitamentos hidroeléctricos nos ríos galegos que adoptou o Parlamento de Galicia con data o 8 de febreiro de 2011 e que nunha comparecencia en Comisión, o presidente de Augas de Galicia xa aclarou que se incorporaría ao Plan Hidrolóxico Galicia-Costa.
Plan Hidrolóxico Galicia-Costa
O Parlamento de Galicia, con data 8 de febreiro de 2011, adoptou un posicionamento en materia de aproveitamentos hidroeléctricos que se vai incorporar á normativa do Plan Hidrolóxico.
A Xunta de Galicia reiterou en numerosas ocasións que o Goberno galego manterá unha política prudente e marcada por unha clara vontade de restrinxir ao máximo os novos aproveitamentos hidroeléctricos.
Menéndez explicou que en ningún caso serán obxecto de outorgamento aquelas solicitudes de novas concesións de aproveitamentos hidroeléctricos que supoñan a implantación de novos obstáculos transversais no cauce dunha masa de auga superficial. Aquelas solicitudes de modificación de concesións hidroeléctricas que impliquen a modernización ou mellora das infraestruturas xa existentes serán obxecto de valoración, sempre que non modifiquen o vaso de auga encorada.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
