Nota de prensa
O GPPP acusa a Besteiro de pretender que os concellos adianten os cartos do Plan Extraordinario de Obra Pública
A Deputación modificou unilateralmente os convenios asinados con nove municipios da provincia
A decisión xerou gran preocupación nas administracións locais afectadas dado que pode perxudicar gravemente a súa liquidez, xa de por si moi precaria
Lugo, a 4 de maio de 2011.- O Grupo provincial do Partido Popular acusa á José Ramón Gómez Besteiro de tentar que os concellos sexan agora os que teñan que adiantar o pago das obras que lles prometeu a través dos convenios do Plan Extraordinario de Obra Pública.
Entenden os populares que o presidente da Deputación, “seguindo fehacientemente o proceder que caracteriza ós socialistas de prometer unha cousa e facer xusto a contraria”, intenta zaparse das obrigacións contraídas cos nove concellos beneficiados coas actuacións incluidas neste plan de obras modificando as condicións fixadas nos citados convenios. Unhas modificacións que causarían un grave perxuizo económico ós concellos posto que, segundo as pretensións da Deputación, serían eles os que deberían asumir o pago das certificacións de obra.
É dicir, a administración provincial, na vez de tentar aliviar o máis posible a complicada situación económica na que se atopan os concellos, tenta asfixialos aínda máis, facendo que sexan eles os que teñen que adiantar o pago dunhas obras comprometidas cun claro fin electoralista e partidista, posto que só un concello dos nove elexidos está gobernado polo Partido Popular.
Dende o GPPP recalcan que unha vez máis os feitos constatan que o bigoberno provincial só se preocupa de si mesmo e que, á mínima ocasión, dá as costas os concellos, “mesmo incluso aqueles cos que comparte color político”, e eso que, segundo pregonaba Gómez Besteiro, a Deputación ía ser o concello dos concellos.
Segundo explican os populares, os convenios asinados pola administración provincial e os concellos de Sarria, Monforte, Lugo, Vilalba, A Fonsagrada, Becerreá, Viveiro, Foz e Burela, por un montante global de preto de 10 millóns de euros, establecía que a Deputación non só financiaría as obras en cuestión, tamén asumiría a súa contratación, execución, control e recepción.
Pero agora, a administración promotora destas actuacións quere cambiar as regras do xogo e facer que sexan os concellos os que recepcionen as obras, é dicir, que adiante os cartos que o goberno provincial prometeu investir.
CAMBIO DE CRITERIOS
Así, na Xunta de Goberno da Deputación de 27 de decembro aprobouse un acordo no que, entre outras cousas, establecese o seguinte:
“2º.- Dispoñer que, de acordo co disposto na clausula 2ª-A-b do convenio asinado, a Deputación Provincial de Lugo realizará as actuacións de contratación, con base no establecido na D.A. 2ª-5 da Ley 30/2007, de contratos do sector público. Unha vez adxudicados os contratos, os concellos procederán á formalización dos mesmos e a Deputación Provincial transferirálles as cantidades precisas para o seu aboamento, dacordo co importe da adxudicación, que será a aportación máxima do organismo provincial, sendo de conta dos concellos os importes que poidan derivarse de modificacións contractuais, obras complementarias, liquidacións e calquera outra cantidade que incremente a aportación incialmente fixada.
Unha vez rematadas as obras deberá procederse á xustificación das cantidades tranferidas mediante a aportación por parte do Concello da seguinte docuemntación:
acta de recepción da obra
certificacións de obra, aprobadas e aboadas.
De non procederse á xustificación no prazo de tres meses posteriores ao plazo de finalización da obra, de acordo co establecido no proxecto ou na memoria técnica, procederá o reintegro á Deputación Provincial de Lugo das cantidades non empregadas”.
Segundo este acordo, que só en parte lles foi comunicado ós concellos asinantes dos convenios hai escasamente quince días, estase incumplindo a lexislación vixente, dado que os concellos non poden formalizar o contrato dunha obra que está adxudicada por outra administración.
Ademais, estase a incumplir o propio convenio, porque por actuacións de contratación debe entenderse o procedemento de licitación, adxudicación e sinatura de contrato.
A maiores, o convenio non aclara o tempo máximo no que a Deputación transferirá os cartos, co que os concellos poden verse na obriga de adiantalos para poder abonar as primeiras certificacións de obra, agravando deste xeito a súa situación de precaria liquidez actual.
Esta situación, totalmente novedosa con respecto ós convenios inicialmente asinados en decembro, está a provocar moita preocupación nos concellos afectados, dado que se está a producir unha enorme inseguridade xurídica. A Deputación, de feito, está a ter multitude de chamadas solicitando aclaración ó respecto, porque a situación pode agravarse máis aínda no caso de obras de importe inferior a 60.000 euros, posto que pola súa cuantía non precisan contrato e aboanse contra factura.
Dende o GPPP insisten en que esta forma de actuar de Besteiro pon en risco a legalidade do procedemento, e sobre de todo pode perxudicar gravemente a liquidez dos concellos.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
