NOTA DE PRENSA
Os populares estudiarán a aplicación de determinadas bonificacións fiscais a empresarios, autónomos e comerciantes.
Barcia propón reduccións no IAE e no IBI.
Considera que xa se tiña que ter modificada a ordenanza sobre licencias de apertura.
Burela, 4 de maio de 2011.- O PP burelés estudiará a aplicación de bonificacións fiscais a empresas, autónomos e comerciantes, para axudarlles a paliar os efectos da crise e para asentar e crear emprego. O candidato dos populares, José María González Barcia, indicou que algunha destas medidas xa se aplicou no seu momento, en concreto con ABSA, e considera que poden ser mui positivas de cara á posta en marcha dun parque empresarial.
Barcia indicou que estas bonificacións fiscais xiran en torno a tres liñas de actuación. Por un lado, a rebaixa no Imposto sobre Bens Inmobles (IBI, máis coñecida como contribución), que pode chegar a ser dun noventa por cento da cuota para as empresas ubicadas en determinadas zonas.
Em segundo lugar, González Barcia indicou que se pode facer unha reducción de hasta un cincuenta por cento na cuota do Imposto sobre Actividades Económicas, IAE, para empresas que tributen pola cuota municipal para arrancar o funcionamento da empresa, para incrementar postos de traballo ou nos casos de rendementos netos negativos.
Finalmente, Barcia indicou que o novo marco legal sobre apertura de establecementos comerciais vén de cambiar substancialmente, dado que desaparecen as licencias de apertura como se viñan entendendo hasta este momento. Polo tanto, Barcia considera que hai que refacer a ordenanza municipal ó respecto, de tal xeito que permita un aforro considerable ós novos empresarios, autónomos ou comerciantes cando se instalan, xusto no momento no que é máis delicado sacar adiante a actividade.