Nota de prensa:
Castro de Rei, Castroverde, Chantada Monforte de Lemos, Monterroso, Sarria e Ribadeo reciben apoio da Xunta para a redacción dos plans dos cascos vellos
A xunta dispón por primeira vez axudas DE PLANEAMENTO ESPECÍFICAS para A protección de zonas históricas, que na provincia DE LUGO ROlDAN OS 1,4 MILLÓNS DESTINADOS A SETE CONCELLOS
- As subvencións teñen por obxecto axudar aos concellos e contar cos instrumentos de planeamento urbanístico que contribúan a preservar o patrimonio cultural de asentamentos de carácter histórico ou de singular valor arquitectónico dos concellos cunha poboación inferior aos 50.000 habitantes
- A Administración autonómica responde ás inquietudes manifestadas por moitos concellos que trasladaron as súas demandas sobre a necesidade de axudas para poder ordenar estes espazos, na súa meirande parte en solo urbano
- A finalidade é estudar estes espazos para que teñan futuro, estean activos, ofrezan servizos e revitalicen as cidades ou vilas nas que se atopan, coa posibilidade de definir novos usos e conservar o que defina o plan especial
- En total, a Xunta concedeu axudas deste tipo a 20 concellos galegos por un importe de 3.075.519 euros
- As zonas vellas de Monforte de Lemos e Ribadeo son os proxectos da provincia que máis axudas levarán con case 400.000 euros cada un
Santiago, 14 de maio de 2011.- Os concellos de Castro de Rei, Castroverde, Chantada, Monforte de Lemos, Monterroso, Sarria e Ribadeo recibirán unha axuda de planeamento de exactamente 1.388.647 euros destinados á redacción de plans de protección da súa zona vella. Trátase da primeira vez que un Goberno galego dispón esta partida de subvencións creada para axudar á redacción de Plans Especiais de Protección, que teñen por obxecto preservar o patrimonio cultural de asentamentos de carácter histórico ou de singular valor arquitectónico dos concellos cunha poboación non superior aos 50.000 habitantes. En total, a Xunta concedeu axudas deste tipo a 20 concellos galegos por un importe de 3.075.519 euros.
Con estas axudas, a Xunta de Galicia pretende colaborar na recuperación destas zonas históricas e poñelas en valor, xa que son proxectos onde os investimentos privados non adoitan entrar ao non ser lucrativos. Deste xeito, ademais, a Administración autonómica responde ás inquietudes manifestadas por moitos concellos que trasladaron as súas demandas sobre a necesidade de axudas para poder ordenar estes espazos, na súa meirande parte en solo urbano.
Garantir o futuro
De xeito sinxelo, pódese dicir que estes plans especiais son unha especie de plan xeral no que se estuda polo miúdo tanto o estado de conservación das edificacións como dos espazos públicos e no que se fixa, por exemplo, o uso futuro dunha praza, onde se poderá facer un parque ou un aparcadoiro. A finalidade é estudar estes espazos cun determinado valor para que teñan futuro, estean activos, ofrezan servizos ou revitalicen as cidades ou vilas nas que se atopan, coa posibilidade de definir novos usos e conservar o que defina o plan especial.
| PROVINCIA DE LUGO | |||
| ANO DA ORDE | CONCELLO | FIGURA SUBVENCIONADA | IMPORTE DAS AXUDAS CONCEDIDAS NO ANO 2010 |
| 2010 | CASTRO DE REI | PLAN ESPECIAL DE PROTECCIÓN DO C. HCO. | 120.487,50 € |
| 2010 | CASTROVERDE | PLAN ESPECIAL DE PROTECCIÓN DO BARRIO DA FORTALEZA | 56.050,00 € |
| 2010 | CHANTADA | PLAN ESPECIAL DE PROTECCIÓN E REFORMA INTERIOR DO CASCO HISTÓRICO | 67.803,75 € |
| 2010 | MONFORTE DE LEMOS | PLAN ESPECIAL DE PROTECCIÓN DO C. HCO. | 377.338,50 € |
| 2010 | MONTERROSO | PLAN ESPECIAL DE PROTECCIÓN DO C. HCO. | 135.093,00 € |
| 2010 | SARRIA | PLAN ESPECIAL DE PROTECCIÓN DO C. HCO. | 242.628,75 € |
| 2010 | RIBADEO | PLAN ESPECIAL DE PROTECCIÓN DO C. HCO. | 389.245,50 € |
| TOTAL PROVINCIA DE LUGO | 1.388.647,00 € | ||
Na provincia de Lugo, a Consellería de Medio Ambiente, Territorio e Infraestruturas, a través da Secretaría Xeral de Ordenación do Territorio, concedeu axudas deste tipo a sete concellos, sendo Ribadeo e Monforte de Lemos os municipios que recibirán as sumas máis elevadas: preto de 400.000 euros destinados á protección de cadansúa zona vella.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
