Nota de prensa
AS LARANXAS DEIXAN A COPA ANTE O MÓSTOLES PELEXANDO ATA O ÚLTIMO SUSPIRO (2-1)
A festa laranxa non puido rematar con final galego. O Burela FS deixa a Copa
de España cunha meritoria imaxe dentro e fóra da pista, como un loitador
incansable, pelexando ata o último suspiro ante o Móstoles (2-1), que loitará
por validar o título.
Definitivamente esta non era unha final predestinada para os equipos
irmandiños. Xa o presaxiou pola mañá a eliminación do favoritísimo Ponte
Ourense, contra todo prognóstico, e pola tarde as mariñás tiveron en vilo o
billete para a final ata o último segundo.
Aínda non se acomodora o numerosísimo público na bancada, cando chegou a
primeira alegría para as laranxas, dun espectacular control e remate de
Vanessa (minuto 2), de pase longo de Claudia. Cunha presión moi adiantada das
mostoleñas, as burelás tiveron que repregar filas para salvagardar o
electrónico ao seu favor. Aínda tivo outra boa oportunidade a brasileira a
catro minutos para o asubío do descanso, nunha espléndida galopada, que
desbaratou Sonia. Pouco despois, Milena puido ampliar as distancias, nun roubo
en media pista, que saíu moi desviado. A 2 segundos do remate do primeiro
período, a acertada actuación de Jozi impediu a igualada.
Á volta dos vestiarios, as liñas niveláronse cun leve avance das mariñás. O
empate chegou no minuto 24 nun lanzamento cruzado en carreira de Patri Jornet,
perseguida por Lucía. Segundos máis tarde, Bea, soa ante Jozi, subiu o 2-1. A
mellor ocasión tívoa o Burela FS Pescados Rubén no 31, nun rexeitamento da meta
madrileña; despois, no 32, Lucía quedou soa ante Sonia.
A cinco minutos para rematar o tempo regulamentario, Dolo vestiu a camiseta de
porteira xogadora. No 37, a bancada laranxa saltou nun balón que a piques estivo
de ser a igualada entre Lucía e Ro. E a partir de aí avalancha laranxa; a 32
segundos Ro rozou un pase de Vanessa ao lado da portería. Aínda tivo o empate
nos seus pés Lucía, pero non puido ser.
*FINAL.* Rioja Diamante e Móstoles FSF pelexarán polo título mañá en Vista
Alegre, a partir das 18.30, nun encontro que será retransmitido pola TVG2.
__
_Ficha técnica_
*Móstoles FSF: *Sonia, Sonso, Beíta, Bea e Patri Jornet, no cinco inicial; tamén
xogaron Inma, Ju Delgado, Patri, Eva Manguán,
*Burela FS Pescados Rubén:* Jozi, Vanessa, Claudia, Ro e Lucía, no cinco
inicial; tamén xogaron Milena, Dolo, Lidia
*Goles:* 0-1, minuto 2, Vanessa; 1-1, minuto 24, Patri Jornet; 2-1, minuto 25, Bea
*Tarxetas amarelas: *Milena, minuto 14; Claudia, minuto 28
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
