Nota de prensa:
O PSOE DE FOZ CONSIDERA QUE SE GOBERNA O PP OS VINDEIROS CATRO ANOS SERÁ CONSECUENCIA DAS ANSIAS DE PODER DO CANDIDATO DE UNIFOZ
-Os socialistas defenden que “se dous partidos políticos pactan para gobernar, o alcalde debe formar parte da forza máis votada”
-Esperan que “de aquí ó sábado impere o sentido común e que UNIFOZ e o seu candidato saiban recoñecer a realidade”
O Partido Socialista de Foz asegura que “despois das últimas declaracións vertidas ós medios polo candidato de UNIFOZ, Xaime Cancio, o Partido Popular gobernará finalmente o noso Concello despois de 16 anos de mandato socialista. Non porque nós non esteamos en disposición de chegar a un acordo senón porque cremos de xustiza que cando dúas forzas políticas pactan debe ser a que conseguiu máis votos a que obteña a alcaldía”.
Os socialistas subliñan que “as eleccións reflexaron que a maioría dos veciños de Foz queren un goberno de esquerdas, o PP non alcanzou a maioría absoluta e UNIFOZ, BNG e PSOE, lograron entre os tres a maioría dos votos”.
Dende o PSOE focense sinalan que “non será culpa nosa que o PP logre gobernar Foz en minoría. As ansias de poder do candidato de UNIFOZ non lle deixan ver a realidade. Consideramos que todo é negociable á hora de chegar a acordos pero cremos de sentido común que a alcaldía lle corresponde á forza máis votada, neste caso o PSOE conseguiu catro concelleiros mentras que o partido de Xaime Cancio logrou un menos e quedou con tres”.
Neste senso, engaden que “de hoxe ó sábado esperamos que impere o sentido común e que UNIFOZ e o seu candidato sexan capaces de aceptar a realidade e ver que hai outra forza política con máis votos e máis concelleiros”.
Asimesmo, os socialistas recoñecen que “se non é posible o acordo, estaremos na oposición estes catro anos cumprindo coa confianza que depositaron en nós tódolos veciños que nos votaron o pasado 22 de maio. Intentaremos facer unha política de oposición responsable e razoable, como se merece o pobo de Foz”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
