Nota de prensa
RAQUEL ARIAS VISITA O SERVIZO DE GARDACOSTAS DE CELEIRO XUNTO A ALUMNOS DE DOUS COLEXIOS DE VIVEIRO NA CELEBRACIÓN DO DÍA DOS OCÉANOS
Na base traballan 34 persoas, que dispoñen dunha embarcación, nove vehículos e un helicóptero de garda as 24 horas todos os días do ano
A delegada territorial percorreu as instalacións e conversou cos estudantes acerca da importancia de preservar os inxentes recursos do mar
Viveiro, 8 de xuño de 2011.- A delegada territorial da Xunta, Raquel Arias, visitou esta mañá a base do Servizo de Gardacostas de Celeiro xunto con preto dun centenar de estudantes dos colexios Santa Rita de Galdo e Loís Tobío, ambos de Viveiro, con motivo da conmemoración do Día Internacional dos Océanos.
A delegada percorreu as instalacións e conversou cos alumnos sobre a importancia da efeméride para “reforzar a conciencia social sobre a necesidade de preservar a grande e variada cantidade de recursos que obtemos dos océanos”, segundo destacou.
Ao respecto, Arias lembrou que do sector pesqueiro galego “dependen máis de 25.700 mariñeiros, acuicultores e mariscadores”, así como traballadores de actividades como a industria conserveira, os estaleiros, e o comercio. “Estímase que por cada emprego na mar, créanse arredor de catro empregos máis en terra”, afirmou.
A delegada referiuse “ás outras riquezas que nos dispensan os océanos, dende reservas petroleiras ou de gas natural ata materia prima para a elaboración de medicamentos, se ben a súa contribución máis especial consiste en proporcionarnos a maior parte do oxíxeno que respiramos”, de aí –subliñou- que o lema elixido este ano destaque o seu aporte capital á calidade ambiental: “Os nosos océanos: Por un futuro verde”.
O helicóptero de salvamento Pesca II foi un dos principais atractivos da visita para os estudantes. O helicóptero está operativo 24 horas ao día os 365 días do ano, atendido por un grupo de 21 efectivos -9 pilotos, 9 rescatadores e operadores de grúa e 3 mecánicos- que realizan as distintas quendas.
O Pesca II leva realizadas este ano nove misións de salvamento, aínda que só foi preciso rescatar a dúas persoas. No cómputo global de actividades figura o rescate de 253 persoas nos últimos 20 anos.
O cadro de persoal da base está integrado en total por 34 persoas, que dispoñen ademais dunha embarcación e de nove vehículos para o desenvolvemento das labores de vixilancia e salvamento.
A delegada territorial puxo de relevo a cantidade de medios marítimos, terrestres e aéreos que a Consellería do Mar destina a velar pola seguridade de pescadores e mariñeiros. O Servizo de Gardacostas mobiliza a un operativo de 127 persoas, entre inspectores, subinspectores, patróns, mecánicos e vixiantes mariñeiros.
Conta con 27 embarcacións, tanto con base fixa como dedicadas a patrullar de xeito itinerante por toda a costa galega, ademais de 68 vehículos e dous helicópteros: O Pesca I, con base en Vigo, e o Pesca II, en Celeiro.
Declaración institucional
Raquel Arias aludiu á declaración institucional que fixo pública a Xunta de Galicia con motivo do Día Internacional dos Océanos, baixo o lema: “O mar como elemento de unión e futuro”.
Neste texto, centrado no indisoluble vínculo de Galicia co mar, “a Xunta de Galicia defende o equilibrio entre os eidos ambientais, sociais e económicos da nosa relación co mar como fórmula de futuro, de forma que se garanta dar saída ao noso porvir e manter o océano nun estado que nos permita legar aos nosos descendentes un medio mariño ben conservado e razoablemente explotado”.
Por iso, engade, “desde o Goberno de Galicia defendemos a conservación da contorna costeira e mariña de acordo con parámetros sostibles na relación humana con el, planificando o desenvolvemento urbano e das infraestruturas e traballando para garantir a mantenza da biodiversidade e dos ecosistemas mariños en bo estado”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
