Nota de prensa
A Deputación rematará en quince días obras en 7 Concellos da provincia por valor de preto de 3 millóns de euros
– Con estas actucións, incluídas no Plan Extraordinario de Obra Pública e coas que se manteñen máis de 200 empregos, dótase de servizos básicos ós veciños das Nogais, Corgo e Begonte, e mellórase a rede viaria de Pedrafita, Portomarín, Foz e Rábade
– O organismo provincial subvenciona con máis de 270.000 euros os soldos dos bombeiros interinos do parque de Monforte ata a súa integración no Consorcio
A voceira provincial socialista, Pilar García Porto, anunciou este venres que a Deputación rematará ó longo deste mes 7 novas actuacións incluídas dentro do macro plan de obra pública creado en 2010 para adiantarse á saída da crise e manter os postos de traballo existentes na provincia. García Porto subliñou que “estamos a realizar un enorme esforzo inversor para dotar de servizos básicos ós veciños e para mellorar a rede viaria provincial, garantindo a seguridade dos seus usuarios. Este esforzo tradúcese nun aumento da obra pública, xa que cantas máis obras fagamos, máis empregos se manteñen, máis impulsamos un dos sectores que se están a ver gravemente perxudicados pola crise, como o da construción, e máis impulsamos a economía provincial”.
Con estas actuacións, que supoñen un investimento de preto de 3 millóns de euros, o organismo provincial dá traballo a máis de 200 persoas polo que, tal e como destacou a Deputada, “seguimos sendo o principal motor de emprego da provincia. Isto confirma os datos proporcionados pola Federación Galega da Construción quen estes días afirmaba que, grazas á Deputación, a obra pública na provincia mantense. So no primeiro semestre deste ano investíronse 30,1 millóns”.
As obras que están a piques de rematar son as seguintes: pavimentación e servizos na rúa Ubaldo Martínez das Nogais (312.000 euros); mellora de infraestruturas e de abastecemento en Begonte (334.000 euros); acondicionamento da estrada de Reiriz a Espiñeira en Foz (550.000 euros); mellora da estrada de Alto Valiño a Valdeporrás en Portomarín (600.000 euros); reparación de estradas provinciais en Rábade (300.000 euros); acondicionamento da estrada de Louzarela en Pedrafita (450.000 euros); e saneamento de Arxemil no Corgo (243:000 euros).
Bombeiros de Monforte
A Xunta de Goberno aprobou a addenda ó convenio subscrito entre a Deputación e o Concello de Monforte de Lemos en maio para o financiamento dos soldos dos bombeiros interinos do parque das Lamas ata a súa integración no Consorcio. Deste xeito, o organismo provincial garante que os 4 profesionais que se atopan neste grupo cobren a súa nómina como cada mes ata o momento da integración, ó igual que ó resto de bombeiros que dende o día 1 de maio prestan o seu servizo nos parques de Barreiros, Vilalba, Viveiro, Sarria e Chantada.
O importe da addenda é de 140.650 euros que se suman ós 130.000 concedidos xa no marco do acordo asinado entre a institución provincial e a entidade local hai dous meses. No caso dos outros 5 bombeiros, que eran funcionarios de carreira, o Concello aprobou por unanimidade en marzo a súa integración na área municipal de recente creación denominada “Servizos á Comunidade”.
A Xunta de Goberno tamén deu o visto e prace a 10 contas xustificativas do Plan de Comunidades Veciñais de 2010. Suman 122.850 euros, dos que a Deputación achega 79.183. Pertencen ós Concellos de Guitiriz (2), Navia de Suarna (2), Castroverde, Palas de Rei, Sarria, Triacastela, Xove e Monterroso.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
