Nota de prensa:
O Goberno galego cumpre coa súa parte, impulsando as redes secundarias de distribución de gas natural e as plantas de almacenamento, agora correspóndelle ao Estado facer o propio construíndo o gasoduto da Mariña
BALSEIRO CUALIFICA A NOVA PLANTA DE GAS NATURAL EN ALCOA COMO UNHA APOSTA ESTRATÉXICA E DE FUTURO POLO EMPREGO, POLA MELLORA MEDIO AMBIENTAL E UNHA MOSTRA DO APOIO DECIDIDO DA XUNTA Á PRINCIPAL EMPRESA DA COMARCA
O deputado lembra que foi o Grupo Popular quen demandou no Parlamento de Galicia a posta en marcha desta infraestrutura por considerar que A Mariña, as súas empresas e veciños teñen todo o dereito a beneficiarse das vantaxes deste combustible.
A Mariña, 14 de xullo de 2011.- O deputado popular Jose Manuel Balseiro Orol cualifiou a apertura da nova planta de almacenamento de gas natural no complexo industrial de Alcoa como unha aposta estratéxica e de futuro polo emprego, pola consolidación dunha mellora medio ambiental moi salientable e como materialización do apoio da Xunta á principal empresa da comarca.
EMPREGO E MEDIO AMBIENTE
Balseiro Orol significou que o considerable aforro acadado pola substitución do fuel-oil por gas natural contribuirá a facer máis barato e viable o proceso de producción da empresa e garantiza a continuidade do proxecto industrial nas próximas décadas, consolidando os postos de traballo actuais e xerando incluso novas oportunidades de emprego. Ao mesmo tempo, ao tratarse dunha fonte enerxética moito máis ecolóxica, permitirá a reducción substancial dos gases contaminantes, contribuíndo á mellora ambiental do entorno e ao cumprimento dos compromisos medio ambientais contidos na lexislación vixente.
COMPROMISO CO MOTOR ECONÓMICO DA MARIÑA
O deputado popular significou tamén que a mobilización de 2,6 millóns de euros na execución desta infraestrutura exemplifica o compromiso do Goberno galego con Alcoa, por canto estamos a falar non só da factoría que emprega a máis de 1.300 traballadores de xeito directo e outros tantos indirectos, senón tamén da industria que supón o 30% do produto interior bruto (PIB) de toda a provincia, o principal motor económico de Lugo e, por suposto, da Mariña lucense.
INICIATIVA IMPULSADA POLO GRUPO POPULAR
Jose Manuel Balseiro Orol lembrou tamén que o impulso a esta infraestrutura gasista é posible grazas a que no seu día prosperou unha iniciativa parlamentaria, promovida polo Grupo Popular, instándolle á Xunta á posta en marcha da mesma. Os populares sempre mantiveron que as empresas -para abaratar os seus custes de produción enerxética- e os veciños da Mariña -nas súas vivendas- tamén teñen dereito a acceder a esta enerxía moito máis eficiente, ecolóxica e barata.
A XUNTA CUMPRE, O ESTADO TAMÉN DEBE FACELO
Balseiro Orol salientou finalmente que coa apertura desta planta de gas natural o Goberno galego cumpre coa súa parte, impulsando as redes secundarias de distribución deste combustible e as plantas de almacenamento, pero que agora correspóndelle ao Estado facer o propio construíndo o gasoduto da Mariña, algo que podería facer, se ten interese e vontade, en menos dun ano. Á espera de que o Goberno central constrúa o gasoduto que corresponde, as redes de distribución de gas natural secundarias impulsadas pola Xunta e as plantas de almacenamento obterán combustible que chegará a elas a través de barcos cisterna ou a través da estrada.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
