O anuncio de que a Xunta e a Mancomunidade da Mariña van a facer non sei qué cousa a prol do turismo comarcal, fainos remexer no noso caótico arquivo, farto de recoller tanta mentira ao respecto, e lembrar, por exemplo, o artigo publicado hai uns cinco anos:
TURISMO COMARCAL
Días pasados este xornal publicaba os resultados dunha enquisa previa á elaboración do Plano de Desenvolvemento Turístico da Mariña, por parte da USC.
Da mesma dedúcese que os mais graves atrancos que padecemos como destino turístico son: a infraestructura viaria; a alta estacionalidade, concentrada no verán, e a falta dunha planificación conxunta; así como o temor a que o urbanismo feroz que padecemos incida no medio ambiente restando atractivos á zona.
O das estradas é un tema xa tópico: sufrimos dende hai moito o mal endémico duns políticos que só se lembran delas para usalas como arma electoral para logo esquecelas. Así ven sucedendo ao longo dos tempos e ninguén ten a coraxe política precisa para rematar dunha vez con situación tan lamentable como inxusta, e mesmo humillante.
A alta estacionalidade só se pode remediar, ou cando menos paliar, cunha decidida actuación solidaria dos concellos que forman as comarcas mariñás, e aquí nos atopamos tamén cun muro infranqueable: o da mentalidade retrógrada, o localismo miope e a actitude individualista de quen rexen os nosos pobos.
Eses condicionantes tan nefastos fan inviable a imprescindible actuación que levamos anos reclamando e á que de xeito reiterativo nos temos referido.
Os nosos políticos, tan ben adestrados no uso interesado dos medios de comunicación, fártanse de facer declaracións (uns mais que outros, eso sí) altisoantes, nas que nin eles mesmos cren, desde unha óptica demagóxica e populacheira que nada aporta á sociedade, porque a eso queda reducida toda a súa verborrea. É dicir, viven nun permanente fraude ós cidadáns.
Para constatar a veracidade do noso aserto basta só botar unha ollada á hemeroteca:
“Un consorcio se hará cargo de la promoción turística de A Mariña. La entidad pretende que la organización y acciones conjuntas sean más operativas” (5-3-04)
“Los ayuntamientos ultiman una asociación de desarrollo turístico”. (23-12-04)
“A financiación externa chegará coa creación do consorcio”. “ A. G. encargarase de facer as xestións para a creación do consorcio”.(1-2-05)
“Las entidades locales la consideran “imprescindible para impulsar el sector”. Los concellos prometen agilizar la asociación mariñana de turismo” ( 7-2-05).
“Se plantean en Fitur ofertas de “todo incluído” para la temporada baja. La creación de una asociación con empresarios y concellos facilitará la llegada de turistas”(29-1-05)
“ A Mariña y el Occidente astur se unen para la desestacionalización turística”. El alcalde de Viveiro capitanea un proyecto de promoción de toda la zona con la aplicación de nuevas tecnologías” (12-2-05)
“Ayuntamientos harán un consorcio para el plan turístico “Cantábrico Occidental”. El alcalde deViveiro negocia con responsables de Turismo en Madrid la puesta en marcha del proyecto” (30 – 4-05)
“La comarca ya tiene un consorcio para desarrollar el turísmo. La entidad funcionará cuando los 16 concellos implicados aprueben los estatutos” (7-5-.05).E decir, nunca.
Viveiro, Ribadeo y Foz potenciarán el sector en el occidente astur”.(7-10-05)
¿Qué se fixo de todo iso?
“Acudimos a Fitur sin presentar novedad alguna. La coordinadora de la promoción reconoce que la situación está “empantanada”. Pero ¿cando estivo doutro xeito?
É sabido que os políticos son incapaces de levar a cabo actuación solidaria algunha: o servilismo partidista e os intereses persoais; a crispación que reflicten dialécticas agresivas mesmo na orde persoal; as declaracións despectivas, cando non insultantes, etc., non propician o mellor ambiente para o encontro e o diálogo civilizado, do que deberían xurdir iniciativas e planeamentos de progreso e modernidade. E, claro, levalas á práctica, implicando en todo o proceso a determinados sectores da sociedade.
Á vista dos resultados da enquisa fálase de crear un “órgano de xestión a nivel comarcal”. E preguntamos, ¿quen formarían o mesmo? A experiencia acumulada dinos que dende logo non os gobernantes locais. Sería, unha vez mais, todo perdido.
Porque, pasados os anos, seguimos igoal.
Suso Fernández
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
