Nota de prensa
A CONTRATACIÓN DE 20 SOCORRISTAS PON DE MANIFESTO QUE OUTROS ANOS A SEGURIDADE OU NON ESTABA CUBERTA OU QUE ESTE ANO HAI UN EXCESO
-Méndez subliña que “nos últimos cinco anos, contratouse unha media de 8 ou 10 socorristas, e incluso lográbamos bandeiras azuis, galardóns que esixen un nivel alto de vixiancia nas praias”
-Destaca que “duplicar o número de contratados xustamente en ano electoral e durante un verán no que o tempo non acompañou, non se entende se non é por un pago de favores”
CERVO, 19 DE AGOSTO. A portavoz do Grupo Municipal Socialista de Cervo, Lara Méndez, mostrouse sorprendida tralas declaracións do alcalde, Alfonso Villares, sobre a defensa da seguridade nas praias. Méndez sinalou que “se nos remitimos ós datos dos últimos cinco anos, no noso Concello a media de socorristas contratados para as praias do municipio estaba entre os 8 e os 10 vixiantes e este verán duplicamos esa cifra, pois están traballando 20 persoas. Só hai duas posibilidades, en anos anteriores a seguridade non estaba ben cuberta ou é que este ano hai un exceso”.
A voceira socialista asegurou que “é responsabilidade do alcalde ofertar uns servizos de seguridade e vixiancia adecuados e aínda máis se pensamos na obtención das bandeiras azuis, un galardón que recoñece, en tódolos ámbitos, a calidade das nosas praias. Se volvemos a vista atrás, nos últimos cinco anos obtivemos sempre algunha bandeira azul, houbo anos que ondeou nunha praia e outros anos nos que incluso logramos dúas e tres. Con todo isto, o que queremos poñer de manifesto é que se en anos anteriores contratando a 10 socorristas poidemos lograr bandeiras azuis, que esixen un nivel adecuado de seguridade, este ano a contratación de 20 persoas non se explica doutra maneira se non é por un pago de favores”.
Lara Méndez subliñou que “queremos pensar que o señor Villares actuou sempre de maneira responsable pero cando xustifica a contratación de 20 socorristas este ano por motivos de seguridade, parece que os anos anteriores non tivo as necesidade ben cubertas”. E engadiu que “é curioso que xustamente este ano, ano electoral, no que tivemos un verán no que a climatoloxía non nos acompañou, a cifra de socorristas contratados duplique a dos cinco anos anteriores”.
Disimular a falta de bandeiras azuis
Méndez recomendoulle ó señor alcalde que “en lugar de facer pagos de favores, se preocupe máis de xestionar servizos e conseguir galardóns como os das bandeiras azuis, que recoñezan a calidade das nosas praias e do noso concello en xeral, e que e un reclamo turístico importante. Grazas á súa desidia, é a primeira vez, dende que se concede este premio, que o Concello de Cervo non obtén ninguha bandeira azul. Aínda así, sabe disimular moi ben a súa falta de preocupación por estes temas, conservando nalgún punto do municipio carteis informativos nos que se indican as praias con bandeira azul.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
