A Xunta realiza 408 perfís de baño nos que se avalían os riscos de contaminación das zonas de baño e apórtanse datos da calidade das súas augas
Augas de Galicia constata que o 85% das zonas de baño da comunidade galega non presentan riscos de contaminación
Cada perfil contén unha descrición da zona de baño correspondente, situación e extensión ou resultados de analíticas da calidade de augas nos últimos 3 anos
Os riscos clasifícanse en non identificados, non significativos ou identificados
Estes datos poden ser consultados na web do Ministerio de Sanidade no que se atopa a sección Sistema de Información Nacional de Aguas de Baño
A Xunta, mediante este tipo de actuacións, pretende achegar á poboación, de forma clara e transparente, información sobre a calidade das augas nas distintas zonas de baño das nosas praias e facilitar a comprensión dos posibles riscos
Santiago, 27 de agosto de 2011.- A Consellería de Medio Ambiente, Territorio e Infraestruturas, a través de Augas de Galicia, elabora 408 perfís de baño nos que se establece por primeira vez unha delimitación oficial das áreas de baño da costa galega. A Xunta de Galicia constata que o 85% das zonas de baño da comunidade galega no presentan riscos de contaminación.
Dos 408 perfís desenvolvidos que avalían as 430 zonas de baño da declaradas pola Consellería de Sanidade para a temporada 2011, en 311 non se detectaron riscos; en 31, riscos non significativos, é dicir, con moi baixa probabilidade de contaminación da zona; e en 66, identificáronse riscos de contaminación, principalmente por episodios de fortes choivas que podan colapsar puntualmente sistemas de saneamento próximos. Destes últimos, 36 pertencen á provincia da Coruña, 4 á de Lugo, e 26 a Pontevedra.
Todos estes perfís poden ser consultados na páxina web do Ministerio de Sanidade no que se atopa o “Sistema de Información Nacional de Aguas de Baño”.
Cada perfil contén unha descrición da zona de baño correspondente, situación e extensión ou resultados de analíticas da calidade de augas nos últimos 3 anos. Tamén se presenta un plano no que se sitúan as redes de saneamento existente nas inmediacións e o punto de control no que se toman as mostras para o desenvolvemento das analíticas.
Para a avaliación dos riscos Augas de Galicia realiza unha primeira análise das zonas de baño co fin de determinar os antecedentes de contaminación da área. Empréganse os datos históricos das analíticas executadas todos os anos a principios de tempada de baño e avalíase a presenza de contaminación nas superficies de produción marisqueira.
Tras executar as análises oportunas, a Consellería de Medio Ambiente establece a seguinte clasificación de tipo de risco en cada zona de baño:
• Riscos non identificados: non existen riscos que poidan incidir na calidade de auga.
• Riscos non significativos: detectáronse problemas que teñen pouco probabilidade de provocar fenómenos de contaminación, por non existir antecedentes dos mesmos
• Risco identificado: posibilidade de que se produzan fenómenos de contaminación de curta duración.
A Xunta de Galicia, mediante este tipo de actuacións, pretende achegar á poboación, de forma clara e transparente, información sobre a calidade das augas nas distintas zonas de baño das nosas praias e facilitar a comprensión dos posibles riscos de episodios puntuais de contaminación.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
