Nota de prensa
Veiga denuncia que PSOE e PP liquidan o Estado de Benestar coa institucionalización do teito de gasto.
O BNG chama aos mariñaos a manifestarse contra a reforma constitucional express
O Bloque Nacionalista Galego convoca para o vindeiro mércores 31 de Agosto ás 20:00 h unha mobilización diante da sede da Delegación de Facenda de Foz para expresar o seu rexeitamento a proposta de populares e socialistas de tentar constitucionalizar o teito de gasto sen contar coa opinión da cidadanía.
Segundo explicou Veiga “ a proposta de populares e socialistas representa un autentico golpe de estado, tanto na forma como no fondo, na medida que modifica de xeito substancial o texto constitucional sen atender a vontade popular pero particularmente polo que significa de institucionalización dun modelo económico, o neoliberalismo, e xa que logo unha agresión sen precedentes ao precario estado de benestar”.
O Portavoz Comarcal do BNG, que convidou aos veciños da Mariña a sumarse á mobilización, indicou que “con esta proposta o Estado Español fica absolutamente desarmado para poñer en marcha medidas anticíclicas que sexan eficaces a hora de dar resposta a unha situación de crise económica. Se en 1992 o estado renunciou á política monetaria coas graves consecuencias que hoxe estamos a ver diante da crise da débeda, agora coa aprobación do teito de gasto renunciase á política fiscal, en definitiva á posibilidade de redistribuír a renda e de poñer en marcha incentivos que permitan crear emprego. Nos témolo claro, é hora de poñer a economía ao servizos das persoas e non as persoas ao servizo da economía”.
Veiga, que insistiu na necesidade de que a xente exprese a súa indignación diante dunha política ao servizo do grande capital, lembrou “ que coa proposta de teito de gasto que se está a facer e dado o nível de endebedamento do sector público como consecuencia dos rescates ao sector financeiro, non hai dúbida que a case totalidade dos Concellos de Galiza, tamén da Mariña, terán que deixar o ano que vén de prestar servizos básicos, a empezar pola axuda a domicilio”. Na mesma liña, o dirixente nacionalista, criticou “ a hipocrisía dos autores da proposta que cun acordo en 24 horas tentan liquidar un debate de 90 anos, se ben recoñecen as limitacións da proposta no sentido de vincular o nivel de déficit co crecemento da economía. A menor crecemento máis déficit ou o que é o mesmo, sen déficit non é posíbel o crecemento.”
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
