Nota de prensa
O ALCALDE EN FUNCIÓNS MANIFESTOU QUE EN CATRO ANOS O BIPARTITO NON FIXO NADA PARA REBAIXAR A AFECTACIÓN DA VARIANTE. FERNÁNDEZ VALLE ASEGUROU QUE SE VAI RETOMAR O EXPEDIENTE “PORQUE LLE INTERESA A BURELA”.
Burela, 31 de agosto de 2011. O alcalde en funcións do concello burelés, Manuel Fernández Valle, manifestou hoxe que “o equipo de goberno vai retomar o expediente, iniciado en 2004 polo goberno municipal popular, de cara a reducir a afectación da variante para introducila con plenas garantías no Plano Xeral de Ordenación Municipal (PXOM)”.
Fernández Valle, que tamén ostenta a portavocía do grupo municipal popular, engadiu que “este expediente vaise retomar porque lle interesa ao conxunto dos cidadáns deste concello, a pesares de que en catro anos o bipartito non moveu nin un só papel ao respecto”. O rexedor en funcións afirmou que “o traballo feito na etapa anterior do PP sobre este asunto trouxo consigo que a principios de 2007 o Ministerio de Fomento dictara unha resolución para levantar a afectación sobre boa parte do solo urbano consolidado. O que había que facer era continuar coa tramitación do expediente, é decir, expoñer ao público tal circunstancia, e seguir traballando para que Fomento continuara levantando a afectación sobre outras zonas. Pero ese traballo non se fixo, polo que todo o esforzo que no seu día se realizou non serviu absolutamente para nada”.
Ademais, Fernández Valle considerou que “o PXOM leva un retraso de dez meses, porque o informe emitido por Fomento sobre o mesmo foi recibido polo Concello en outubro de 2010, pero para nada se falou co Ministerio sobre o mesmo, e por encima non se informou a ninguén da súa existencia”.
O alcalde en funcións burelés afirmou que “cando remate a rolda de entrevistas que temos previstas coa Xunta e con Fomento, convocaremos aos grupos políticos para informalos sobre o resultado das mesmas, e tamén se convocará á Asociación de Veciños. Pero cada cousa ao seu tempo, porque visto o visto, resulta unha ironía que o anterior alcalde preguntase no pleno de xullo sobre o estado de tramitación do PXOM, se mes e medio despois de cesar pregunta polo PXOM temos que concluir que non tiña nin idea do que se estaba a facer”.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
