Nota de prensa 1/2
AS PRAIAS DE AS CATEDRAIS E AS ILLAS-CASTROS RECIBEN A Q DE CALIDADE QUE LLES VEN DE OUTORGAR O ICTE. FERNANDO SUÁREZ DESTACOU QUE SE TRATA DUN GALARDÓN MOI IMPORTANTE E MOI ESIXENTE.
Ribadeo, 2 de agosto de 2011. As praias de As Catedrais e As Illas-Castros reciben a Q de calidade que lles ven de outorgar o Instituto para la Calidad Turística Española (ICTE). O alcalde, Fernando Suárez, destacou que se trata dun galardón moi importante e moi esixente.
O rexedor sinalou que “hoxe, día 2 de agosto, o Instituto para la Calidad Turística Española (ICTE) ven de comunicar os resultados do comité que se celebrou o pasado 22 de xullo e foi moi positivo para as nosas praias, xa que tanto a das Catedrais como a dos Castros e as Illas obteñen a bandeira da Q de calidade para este ano 2011”.
Suárez Barcia dixo que “desde o Concello estimamos que isto non é por casualidade, senón que é o resultado dos esforzos realizados na mellora das nosas instalacións e na rigurosidade no cumprimento das medidas esixidas por esta importante certificación no que ten que ver coa calidade das infraestructuras e dos servicios. Entre outras cousas cabe sinalar que estamos realizando, concretamente hoxe, simulacros de salvamento e socorrismo coa participación do equipo de salvamento e socorrismo, da Policía Local, da Garda Civil, da ambulancia medicalizada do 061 e tamén do noso Grumir”.
O alcalde de Ribadeo destacou que “é un galardón moi importante, moi esixente, que temos que pasar auditorías moi fortes, moi complexas. A reflexión que fago de todo isto é que non deben estar tan mal as nosas praias cando se nos outorga, outro ano máis, este galardón de calidade turística que precisamente se refire a iso, á calidade turística das nosas praias”. E engadiu que “isto non impide que o Concello, como non, para o ano que ven volva presentar as súas candidaturas para a bandeira azul, pero quero decir que a bandeira da Q de calidade é tan importante e tan esixente como a que máis”.
Nota de prensa 1/2
Co motivo de cumprir coas esixencias da certificación Q de Calidade, que precisamente hoxe foi renovada para as praias de Ribadeo, tiveron lugar dous simulacros de seguridade e salvamento nas praias de As Catedrais e Os Castros. Consistiron na simulación dunha agresión a un socorrista e o rescate dun bañista en dificultades. No mesmo participaron, ademais do equipo de salvamento e socorrismo, a Policía Local, as ambulancias de Ribadeo e Foz de emerxencias 061, e os membros do GRUMIR de Ribadeo.
Ambos simulacros, coordinados por Horacio Cupeiro, concelleiro de Medio Ambiente e Praias, permitiron avaliar a capacidade de mobilización e coordinación dos diferentes equipos en caso de necesidade. Os resultados foron satisfactorios, cumpríndose axeitadamente os tempos de resposta definidos pola na norma para todos eles, polo que os usuarios das nosas praias poden seguir a gozar delas con tranquilidade.
Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios. No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. O vehículo perdeu algo de combustible como consecuencia do impacto, pero os bombeiros resolveron rapidamente a situación.
No marco desta iniciativa, a asociación realizará o 6 de maio unha viaxe a Monforte, que incluirá visitas ao Museo do Ferrocarril ou ao Pazo de Tor, ao conxunto monumental de San Vicente do Pino, ao Centro do Viño da Ribeira Sacra e unha explicación exterior do Colexio de Nosa Señora da Antiga. As persoas interesadas en participar poden inscribirse entre o 10 de marzo e o 10 de abril chamando ao 660 47 72 30 ou escribindo ao correo vencelloburela@gmail.com.
Esta iluminación comezará acendendo en días sinalados, nos que se celebre ou queira darlle visibilidade a algún acontecemento. “Pareceunos un bo día este 8 de marzo, no que conmemoramos o Día da Muller, comezar o uso desta instalación”, explica a concelleiro de alumeado, Ángel Fernández Neira. “As letras de Foz son un signo de identidade do noso pobo e esta iluminación dálles unha nova vida”, explica o alcalde, Fran Cajoto.
Durante a visita, as representantes municipais fixéronlle entrega dun ramo de flores e compartiron con ela un momento moi agradable, celebrando xuntas esta data significativa. Con este xesto, o Concello quixo recoñecer e poñer en valor ás persoas maiores de Burela, que forman parte fundamental da comunidade e son depositarias da memoria, da experiencia e dos valores do municipio.
O 14 inaugúrase o Rincón da Poesía, con música de gaitas e concerto de Xuaco Amieva, ademais da presentación de Viaxe a Dacondo I. O 21 terá lugar un recital poético-musical na Casa de Cultura, con música en directo, participación de autores locais, presentación do libro Tu voz en mi voz e homenaxe a Luis Pérez del Súcaro.
Este domingo, 8M, celebrouse un xantar no restaurante O Noso Lar no que participaron máis de 100 mulleres con posterior baile na Casa do Mar.
Reuniu na xornada deste sábado no pavillón de deportes a 700 ximnastas procedentes de diferentes puntos da provincia de Lugo e tamén dun club convidado de Pontevedra. Foi un día intenso de deporte e de convivencia, que tivo unha importante repercusión na hostalería local. Desde o Concello felicitan a todas as participantes, subliñan o traballo da organización (Escola Porta Norte) e agradecen o apoio das entidades colaboradoras.
