Nota de prensa
O VENRES REMATA O CICLO MUSICAL QUE VEU PROMOVENDO O EIDO DOURADO AO LONGO DESTE VERÁN. OS ARXENTINOS POLLERAPANTALÓN OFRECERÁN UN CONCERTO NAS TERRAZAS DO CAMPING GAIVOTA A PARTIRES DAS ONCE DA NOITE.
Barreiros, 24 de agosto de 2011. O venres remata o ciclo musical que veu promovendo ao longo deste verán o Eido Dourado. Os arxentinos Pollerapantalón ofrecerán un concerto a partires das 23 horas nas terrazas do camping Gaivota en Benquerencia.
Dourado sinala que “os que asistan ao concerto deste venres poderán disfrutar dun grupo singular, de rúa, é un grupo que se expresa sempre na rúa, teñen un espectáculo moi movido. Pollerapantalón nace no 2005 en Bós Aires, fan xiras por América do Sur e por España tocando polas rúas, puxéronse en contacto co Eido Dourado para dar aquí un concerto, coincidían ben as datas e por iso estarán con nós este venres, 26 de agosto”.
O artistas barreirense explica que “Pollerapantalón está formado por un cuarteto base e a partires de aí está liderado por tres saxofóns femininos, os que lle dan realmente o espectáculo. Fan todo tipo de música, unha mezcla que vai desde o funky, o tango, a chacarera… fan unhas introduccións á música da Europa do leste. É un espectáculo singular”. Dourado lembra que “o acto é gratuito e aberto a todos os que desexen escoitar boa música”.
O de Pollerapantalón será o último concerto deste verán promovido polo Eido Dourado. O seu artífice Celso Dourado fai un balance persoal tremendamente positivo “e o balance social tamén é bastante positivo, o lamentable é que teñamos que ser iniciativas particulares as que afrontemos todos os gastos que conleva traer todos estes espectáculos de música de calidade. É lamentable coa cantidade de orquestras e de festas que se fan no verán que ninguén aposte por unha determinada música de calidade”. Dourado engade que “o balance é positivo, a pesares do esforzo realizado tanto físico como económico para traer esta xente e cubrir os gastos. Agardo que nalgún momento na nosa Mariña cambie algo, sobre todo políticamente, cara este tipo de cultura e de eventos musicais. Dubídoo, pero a esperanza nunca se perde”.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
