A Novas Xeracións do PP de Burela satisfaille a aprobación do Consello Municipal da Xuventude

NOTA DE PRENSA

Novas Xeneracións de Burela, satisfeitos pola aprobación do Consello Municipal da Xuventude.
Afirman que “así é como cumplimos o noso programa electoral”.
Aseguran que farán aportacións para que o consello funcione eficazmente.

Burela, a 28 de setembro de 2011.- Novas Xeneracións de Burela, a organización xuvenil do PP, veñen de manifestar a través dunha nota de prensa a súa satisfacción polo aprobación do Consello Municipal da Xuventude que se levará a cabo no pleno ordinario que a corporación burelesa celebrará mañán, xoves, ás oito da tarde.
Para as xuventudes do PP, “esta é a forma de cumplir o programa electoral que temos na nosa organización, adoptando acordos xa desde o principio da lexislatura, como este que propiciará que Burela conte por primeira vez cun ente no que os colectivos que aglutinan á xente nova poidan ter voz e voto, ou impulsando cuestións que estaban paradas absolutamente, como a posta en marcha do conselle escolar municipal, algo que debe repercutir na calidade do ensino dos centros escolares do concello”.
NNXX lembra que “no mandato municipal anterior o grupo municipal do PP xa presentara unha moción para crear ese consello municipal da xuventude, moción que fora rexeitada polo PSOE e polo BNG, que así incumplían o seu propio programa electoral e lle daban as costas á xuventude, demostrando que só falaban da xuventude cando lles interesaba politicamente e con afáns partidistas”.
NNXX de Burela afirman que “desde a nosa responsabilidade como organización política, faremos chegar, directa ou indirectamente, as nosas propostas ó consello municipal da xuventude, para dinamizar a vida xuvenil de Burela, para tentar crear marcos de actuación para facilitar a realización completa, como persoas, dos xoves, desde o marco educativo ó marco laboral”.
Finalmente, a rama xuvenil do PP, que lembra que a inclusión do programa electoral dos populares da creación deste consello municipal da xuventude se fixo a proposta de NNXX, indican que lles seguirán facendo chegar propostas ós concelleiros do equipo de goberno, xa non só no campo da xuventude, que tamén, senon en todos aqueles que consideren útiles para o conxunto da cidadanía de Burela.