Nota de prena
O EIDO DOURADO PECHA A SÚA TERCEIRA TEMPADA O 18 DE SETEMBRO. PARA O VINDEIRO ANO CELSO DOURADO AGARDA CONTAR CON TEATRO ALTERNATIVO, POESÍA E MÚSICA DE AUTOR NESTE ESPAZO ADICADO Á ARTE.
Barreiros, 15 de setembro de 2011. O Eido Dourado pechará a súa terceira tempada o vindeiro domingo, 18 de setembro. O seu promotor Celso Dourado fai un balance moi positivo deste 2011, no que se mantiveron as visitas e se incrementaron as vendas na súa pequena tenda de merchandising. Dourado anuncia que na vindeira tempada o Eido Dourado acollerá teatro alternativo, poesía, presentacións de libros e música de autor.
Remata a terceira tempada do Eido Dourado na praia de A Pasada en San Miguel de Reinante e é tempo de facer balances. O artista barreirense Celso Dourado asegura que “o balance desta tempada é enormemente positivo, hai que lembrar que poucos espazos son concebidos para a arte e os sentidos coma éste, é un espazo que se mostra aglutinando arquitectura, paisaxismo e expresión plástica baixo unha mesma autoría e cunha autoconstrucción como esquema. É un espazo que se está a asentar no tempo, é un espazo cultural nun entorno rural”. E subliña que “o Eido Dourado non recibe subvencións nin apoios de ninguén, é sostido con fondos propios, o cal me supón unha total autonomía, permíteme non ter ataduras nin ligazóns de ningúnha parte”.
As visitas a este espazo adicado á arte mantéñense, hai persoas que repiten e moitas que chegan ao Eido Dourado por primeira vez. Celso Dourado relata que “está a vir xente á que mandaron os que xa pasaron polo Eido Dourado este anos. Temos unha pequena tenda de merchandising na que vendemos litografías e catálogos. As vendas incrementáronse este ano e iso anima moito”.
Durante o outono e o inverno Celso Dourado aproveitará para seguir pintando co obxectivo de renovar a exposición no 2012, “nos inicios do Eido Dourado a miña idea foi sempre mantelo coma un espazo vivo, algo que me obriga, dalgún xeito, durante o inverno a adicarme con maior tesón á pintura, isto me permite renovar a exposición permanente todos os anos. Neste 2011 renovóuse en máis da metade e agardo facelo igual de cara ao vindeiro ano”.
Celso Dourado amósase satisfeito da acollida que tiveron os concertos que acolleu o Eido Dourado nuns casos e que promoveu noutros. O artista lembra que “durante este ano o Eido Dourado acometeu un pequeno proxecto que tiña en mente desde hai tempo, que foi realizar unha serie de concertos a unha hora realmente bonita como é a caída da tarde, entre lusco e fusco, cun notable éxito. O primeiro concerto que fixemos de xeito experimental foi o de Doa, acudiron unhs 250 persoas e foron escoitados cun silencio sepulcral. Os mesmos membros de Doa se sorprenderon que nun espazo así tan preto da praia se lograse esa calma. O segundo acto que fixemos foi a presentación da última novela do escritor Miguel Sande acompañado por un concerto de txalaparta, algo inédito na nosa comarca. A pesares de que era un día de agosto no que había moitos outros eventos tamén colleitou un notable éxito de público”.
Dourado agarda “seguir nesa traxectoria e para o vindeiro ano tentaremos contar con teatro alternativo no Eido Dourado. Diferentes entes importantes da cultura se puxeron en contacto conmigo tanto para a presentación de libros como para ese teatro alternativo. Un deles foi, gratamente para min, o dramaturgo Manuel Lourenzo, co que estamos falando de cara á vindeira tempada para acoller algo do que están a desenvolver na Casa Hamlet da Coruña. Incluiremos tamén recitais poéticos, a poesía penso que ten un sitio moi importante no Eido Dourado e por suposto seguiremos con concertos musicais, música de calidade, música de autor para escoitar, para sentir… e aí agardamos dalo todo. Trataremos que sexa dun xeito altruista pola nosa parte, penso que a cultura débese mostrar tal e como é. Nós tentaremos poñer unha candea para alumear un pouquiño neste recuncho da Mariña lucense”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
