Lugo ten mar, pero está na Mariña
Resulta moi complicado convencer á xente da importancia de racionalizar a administración e de confiar no bo facer dos xestores públicos en tempos de crise, cando algúns políticos adoptan decisións rocambolescas, sen ningún tipo de sentido, que lonxe de achegar a administración aos cidadáns e de buscar a mellor utilidade dos servizos públicos van na dirección contraria.
No día de onte unha pomposa comitiva, encabezada polo Delegado de Goberno en Galicia -o Sr. Cortizo- visitaba as obras da nova sede provincial do Instituto Social da Mariña (ISM). Un organismo creado para prestar servizos -en exclusiva- ás xentes do mar, pero que o goberno socialista decidiu situar na cidade de Lugo, a máis de cen quilómetros da costa lucense.
Desde o Partido Popular de Galicia e, de xeito moi particular este deputado, como portavoz en asuntos pesqueiros, denunciamos moitas veces este feito, indicando incluso que o Goberno central perdía unha oportunidade única para trasladar a xefatura provincial do ISM ata calquera dos concellos da costa lucense. Postos a cambiar de sede e a mercar un novo edificio, que mellor que facelo ao carón do mar. Pero nin se nos escoitou a nós, nin queren escoitar ao Parlamento de Galicia que en decembro de 2006, a proposta deste deputado, adoptada un acordo por unanimidade -co apoio, polo tanto, das tres forzas políticas- no que se lle instaba ao Goberno central a que “promovera o traslado do ISM á costa lucense, co fin de achegar as súas prestacións aos seus usuarios”.
Ninguén cun mínimo de obxectividade e sentido común poderá defender o que na nosa provincia está a facer o Goberno socialista. E por iso resulta moi salientable o silencio cómplice do PSOE na Mariña, mudo ante tamaño erro. Calquera pode entender que sería moito máis lóxico que o ISM e o investimento millonario –empregado para mercar un novo edificio e para as obras de adaptación do mesmo- estarían moito mellor empregados ao carón dos que terán que facer uso del. Con todo, si hai algo verdadeiramente absurdo, é que se lle obrigue ás xentes do mar a desprazarse máis de cen quilómetros ata a cidade de Lugo, incorrendo nuns gastos que cada un dos cidadáns teñen que pagar dos seus petos e que puideron ser totalmente prescindibles.
Di o Sr. Orozco, que esta obra sirve para lembrar que Lugo ten mar. Efectivamente isto é así. E ademais os que temos a honra de vivir na costa presumimos desta condición. Pero o que parecen esquecer os socialistas e o conxunto dos actuais xestores do Goberno central é que Lugo ten mar, pero está na Mariña lucense.
Jose Manuel Balseiro Orol
Voceiro do Mar do Grupo Parlamentario Popular de Galicia
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
