O PADRE SILVA EN FOZ
O venres pasado finaba en Ourense Jesús C. Silva Méndez, o tan coñecido Padre Silva, promotor e fundador, en 1956, da Ciudad de los Muchachos e da súa universal e famosa Escola de Circo, creada dez anos despois. A cidade de Benposta, así se chamaba, tiña como obxectivo acoller e axudar ós xoves que sufrían problemas de diversa índole, principalmente de pobreza e marxinación social. labor que estendeu a outros países. En pleno franquismo era aquela unha república democrática, onde non existía a propiedade privada, que contaba con organización propia, con alcalde elixido polos seus habitantes e mesmo moeda (coroas) Que nós saibamos só nunha ocasión visitou Foz o Padre Silva. Foi o ano 1973. Este cronista afanábase na organización da II Feira de Arte Popular (coñeceu 3 edicións), aquel exitoso certame, pioneiro en Galicia cos artesáns traballando á vista do público. Coñecedores da existencia de artesáns naquel Centro e por medio de Daniel Hortas, entón director de Radio Popular en Ourense, amigo do cura Silva, viaxamos alá. Tivemos unha entrevista con el e, de resultas, unha auténtica embaixada daquela Cidade, formada por alfareiros, zoqueiros, impresores, forxadores do ferro, cesteiros, coiro repuxado… e mesmo unha oficina para o troque de coroas por pesetas, acudiron á feira focega. A presenza destes rapaces espertaran curiosidade e simpatía, e un día da feira (celebrárase do 4 ao 12 de agosto) achegárase á nosa vila o Padre Silva. Nunca mais volveu, pero nós si o visitamos outras veces na súa cidade.
A creación por Xesús Silva da Escola do Circo non foi algo casual. El levaba no sangue o amor ó mundo circense: o seu bisavó, Manuel Feijoo, fora o fundador dos famosos circos Price de Madrid.
A asistenza dos mozos de Benposta coa sección de artesanía foi episodio inesquecible na breve historia da Feira de Arte Popular de Foz.
Digamos, como anécdota, que o día que estivemos a visitar ó Padre Silva, cuxo labor que alí se desenvolvía nos impresionou , celebrábase pola noite o Festival da Canción do Miño no Pazo dos Deportes ourensá, e alí presenzamos a actuación dos participantes; entre eles o que aquel ano fora o gañador: un xove mariñeiro de Moaña que se fixo moi popular, Xil Ríos.
Suso Fernández
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
