Nota de prensa
O PP de Viveiro, quere matizar e aclarar algunas das afirmacións feitas polo equipo de governo en relación coa débeda dos convenios do Concello coas asociación deportivas .
En relación coa resposta dada polo Sr. Concelleiro de Deportes no día de onte en diferentes medios, a propósito da información que o grupo do Partido Poplular de Viveiro emitiu o pasado 10 de setembro, queremos puntualizar o seguinte:
Este grupo leva mais de 8 anos sin ter responsabilidades de governo no Concello; nembargantes o grupo do BNG si tivo responsabilidade directa no goberno e xestión do mesmo, inclusive con sentencias por débedas a terceiros, polo que algo terán que ver na actual precariedade económica do Concello de Viveiro.
Na nosa época o comprometido pagábase; non sacábamos peito como fai o Sr. Roel de comprometer grandes cantidades e logo non pagalas, asi é moi doado firmar convenios, pero logo as consecuencias páganas os clubes, que fan unhas previsións para unhas determinadas cantidades e acaban asfixiados porque quen prometeu e firmou non cumple o conveniado.
Aforran de escudarse noutras épocas, co PP os clubes sabían o que había, e o máis importante que o cobraban en tempo e forma, isto si que é preocuparse pola saúde económica dos clubes e asociacións, o demáis son brindis ao sol e política de fotografías, que quedan moi bonitas cara a galería pero que aportan pouco ou nada ó día a día das entidades deportivas.
Os responsables nestes últimos anos foron o PSOE e o BNG, polo tanto a estas alturas non vale excusarse nin disculparse con ninguén, deberían de revisar os papeis antes de asinar pactos de gobernabilidade, pois nós xa advertimos da difícil situación económica provocada polo Sr. Roel, antes de que vostedes se uniran a él, polo tanto agora non vale botar balóns fóra, eran perfectamente coñecedores do desaguisado económico do Concello.
Que garantía de cobro teñen os clubes? porque escoitando o Sr. Alcalde cando di que si non hai crédito non cobrarán, xurden moitas dúbidas de que vaian a cobrar en outubro; dende logo que o asunto ten miga eu invitoo a comer e pago si teño cartos, senón será vostede quen terá que pagar cos seus cartos a miña invitación, pois que ben!.
O Sr. Galdo, como socio de governo e coma delegado de deportes, compromete constantemente a súa palabra e a súa honra, confiado na palabra de Melchor, que o fin e ó cabo, é quen firma os pagos, ainda que sexa con informes contrarios de intervención. Esa é a cuestión, se Melchor engana a Galdo e este o permite que o faiga, é lóxico que por parte das entidades deportivas e pola cidadanía se cree un clima de desconfianza hacia os novos socios do governo.
O grupo do Partido Popular de Viveiro o que realmente lle importa é:
que se cumpla co comprometido, para asi garantir a existencia e a viabilidade de tódalas asociacións.
que os futuros convenios sexan reais e adaptados as disponibilidades económicas presupostadas, para que clubes e asociacións saiban que as cantidades que figuren nos mesmos as van a cobrar en tempo e forma. Deste xeito poderán planificar as súas actuacións sabendo a que aterse, e só terán que preocuparse de levar adiante a súa actividade e non terán que andar perdendo tempo e esforzos en reclamar algo que previamente se lles ofreceu e comprometeu.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
