Nota de prensa
HOXE REMATAN A SÚA ACTIVIDADE NAS PRAIAS DE BURELA OS 12 SOCORRISTAS QUE TRABALLARON AO LONGO DE TODO O VERÁN. A LIMPEZA DOS AREAIS SEGUIRÁ ATA FINAIS DE MES, SEGUNDO GONZÁLEZ BARCIA.
Burela, 14 de setembro de 2011. Hoxe rematan a súa actividade nas praias de Burela os 12 socorristas que ao longo dos últimos meses velaron pola seguridade dos bañistas. O alcalde, José María González Barcia, subliña que “a partires de mañá xa non haberá este servizo nos areais bureleses, polo que lles pedimos aos usuarios das praias que extremen as precaucións cando acudan a darse un baño”.
No servizo de socorrismo de Burela traballaron este verán 12 socorristas, 10 contratados pola Xunta e 2 polo Concello. Barcia anunciou que “de cara ao vindeiro ano tentaremos mellorar as dotacións de material coas que contaron estes profesionais, xa que comprobamos que nos catro últimos anos non houbo novidades neste sentido. Nalgúns casos estiveron empregando material que fora adquirido polo Concello no noso mandato anterior”.
Sobre a limpeza das praias o rexedor dixo que “no que resta do mes de setembro seguirán esas tarefas, aínda que non coa mesma intensidade coa que se viñan desenvolvendo ata o de agora”. Da limpeza das praias ademáis dos operarios de Celta Prix, encargáronse tres persoas, que foron subvecionadas ao 100% pola Xunta de Galicia.
José María González Barcia indicou que “o traballo tanto dos socorristas como do persoal de limpeza das praias foi satisfactorio”.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
