COPAGO NO CONCELLO DE BURELA
Imaxinemos unha familia de catro membros que por razóns laborais, ou de outra índole, tivese que asentarse na comarca da Mariña. O primeiro asunto a tratar sería o lugar onde se decide vivir, estudar e que vila ou cidade ofrece maiores atractivos para atender as necesidades globais de dita familia.
Cando lle toque a vez a Burela, posiblemente se sintan atraídos pola beleza da vila, o porto, Monte Castelo, praias, comercios, colexios e institutos, hospital e sobre todo polas súas xentes. A primeira impresión a de ser, seguro, moi positiva.
O seguinte paso é fixarse na calidade, cantidade e prezos dos servizos que hai no Concello (auga, instalacións deportivas, limpeza, seguridade, oferta cultural, servizos sociais, temas administrativos etc.) e seguro que se sorprenden de que aquí, en Burela, teñan que pagar cotas de uso, como en sociedades privadas, cando empregan instalación públicas. Isto pode ser un motivo suficiente para decidirse a aniñar noutro lugar.
O próximo día 26 de outubro, nun pleno extraordinario, o equipo de goberno do Concello vai aprobar unha serie de ordenanzas fiscais para regular a taxa de ocupación e utilización de todos os edificios e instalacións do concello, é dicir, vai a cobrar por aulas, edificios ou dependencias, casa da cultura, salón de conferencias, pavillóns deportivos (tamén o pavillón dos institutos, que non é de propiedade municipal), campos de fútbol, tenis e padel, unha cantidade de euros que van a afectar as economías de todas as persoas que queiran desenvolver unha actividade deportiva, cultural ou formativa.
Esta decisión faise nun momento económico moi difícil, en plena crise, e penso que é unha decisión equivocada. Agora hai que favorecer a actividade, dar facilidades para usar as instalacións que son públicas e non provocar que os veciños teñan que desprazarse a outros concellos para practicar gratuitamente, ou que abandonen unha boa costume.
Si pretenden con esta medida mellorar a recadación para o concello equivócanse, o montante final non vai a solucionar gran cousa e queda clara a filosofía do PP de aplicar copago os servizos municipais, cando a súa obriga é buscar alternativas de recadación e non prexudicar ós veciños con estas decisións.
No mesmo pleno tamén se vai subir o prezo da auga (moito!!) sen aplicar ningunha medida alternativa que abarate a explotación do abastecemento, como sería a limpeza de lodos do encoro de Rúa que están condicionando moitísimo á cantidade e calidade do líquido, ao mesmo tempo que se reduciría o bombeo dende o encoro de Ríocobo.
En contradición coas declaracións do señor alcalde que afirmou que non se ían a subir os impostos, tamén se vai a aprobar o incremento do 3.10% (como mínimo) en todas as taxas que se aplican no concello.
E para rematar esta febre recadadora van a aplicar un prezo de 100 euros para celebrar vodas civís, cando ata agora era un servizo gratuíto, incrementar o prezo por visitar o barco museo (mala decisión para o turismo) ou aumentar os prezos da matrícula da escola de música.
O actual goberno é o primeiro en aplicar medidas que non favorecen o asentamento de poboación nin o desenvolvemento económico. Levan cinco meses xestionando o concello e non fixeron nada importante. Investimento nulo para o acceso ó porto e poucas garantías de crecemento do hospital. As obras que se están a facer, praza da igrexa, asfaltados en rúas, etc. foron xestionadas polo equipo de goberno anterior coa Deputación e está valoradas nun millón de euros.
O importante é traballar para atopar solucións que beneficien as condicións de que Burela siga sendo un referente na Mariña e atopar motivacións para que familias como a descrita elixan o noso concello para o seu proxecto de vida. De momento esa impresión non se percibe.
Alfredo Llano García. Concelleiro e portavoz do PSdeG-PSOE en Burela
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
