LUME ACESO
O venres pasado asistimos en Lourenzá á emotiva homenaxe ó intelectual galeguista don Francisco Fernández del Riego, unha das personalidades mais egrexias da cultura da nosa terra, que durante a longa vida, de 97 anos, foi exemplo de entrega a prol dos valores humanos e culturais, e tamén económicos, de Galicia. Residindo él en Vigo, razóns persoais nos permitiron manter nos últimos tempos da súa dilatada e fructífera vida, unha relación mais próxima e visitalo de cando en vez na Fundación Penzol ou mesmo na súa vivenda da Praza de Compostela daquela cidade. Das longas, amenas e as súas maxistrais conversas, un caudal de sabedoría, de prodixiosa memoria e de honestidade, sempre en actitude respectuosa e tolerante, no fondo e nas formas, que non é doado atopar naqueles con significación na sociedade e, moito menos, na política, el representaba todo un exemplo a seguir. Fomos tamén testemuña doutro valor: o fondo amor ás terras de Lourenzá. Con frecuencia durante os encontros expresaba de xeito explícito o seu sentimento cara o terruño e asentía en diversos momentos: “as miñas amadas terras de Lourenzá que tanto añoro”. Serios atrancos coa saúde, súa e da inseparable dona Evelina, afastárono antes do desexado da Vilanova natal.…Estes e outros pensamentos, acudían ó noso maxín cando asistíamos á homenaxe na que se percibía a emoción dos asistentes, porque todos éramos conscientes de que a nosa presenza tiña por único obxecto a exaltación e honra dunha persoa que hai que catalogar, con absoluto dereito e xustiza, entre os poucos ”bos e xenerosos”..Os actos desenvolvidos no vello mosteiro e o seu entorno foron lucidos e participados, coa sinxeleza que procedía acorde á modestia que en vida adornou ó grande home que foi; os parlamentos precisos, co engadido transcendental da literatura e a música, tan amadas por don Paco, a cargo de tres vellos amigos deste cronista: Manolo Román e Xosé López González, autores do magnífico libro de fermoso i expresivo título, “Lume Aceso,” e Lino Rico co acordeón, que puxo no ar a dozura de belidas e nostálxicas melodías. Parabéns.
Suso Fernández
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
