Mellorará a cobertura da TDT en Ribadeo e noutros concellos da Mariña

Npta de prensa

A PARTIRES DO VINDEIRO XOVES MELLORARÁ A COBERTURA DA TELEVISIÓN DIXITAL TERRESTRE EN RIBADEO E NOUTROS CONCELLOS DA MARIÑA LUGUESA.

Ribadeo, 10 de outubro de 2011. O vindeiro xoves, 13 de outubro, entran en funcionamento os novos múltiplex de TDT no centro emisor de televisión do Mondigo, que permitirá achegar a oferta completa da Televisión Dixital Terrestre a preto de 29.000 persoas dos concellos de Barreiros, Foz, Mondoñedo, O Valadouro, Trabada, Burela e Ribadeo, así como a outras de concellos limítrofes.

Segundo ven de informar a Oficina Técnica da TDT de Galicia ao Concello de Ribadeo, os beneficiados poderán disfrutar das novas canles da TDT, que se distribuirán da seguinte forma:

• Canle 47: TVEHD, TDP (Teledeporte)
• Canle 44: Cuatro, Canal+Dos, LaSexta2, LaSexta3, LaSextaHD
• Canle 32: Boing, TelecincoHD, MTV, La 10
• Canle 58: Nitro, Antena3HD, MarcaTV, 13TV

O inicio das emisións destes novos múltiplex forma parte do plano da homoxeneización de coberturas da Xunta de Galicia que, durante os meses de setembro e outubro, acenderá 65 centros emisores cos novos múltiplex. Para poder seguir estas canles, segundo aseguran desde a Oficina Técnica da TDT de Galicia, os interesados deberán, en primeiro lugar, dispor da cobertura adecuada dos devanditos centros, podendo confirmar tanto o centro emisor como a calidade da cobertura por vía telefónica -981 572 154- ou na web da Oficina Técnica da TDT –www.tdtgalicia.es

A continuación, bastará  con realizar unha busca de canles no receptor de TDT. No caso das comunidades de veciños, pode ser necesario axustar a antena colectiva para asegurar a calidade da recepción. Así mesmo, para poder ver as canles que emiten en alta definición será necesario, ademais, dispor dun receptor con sintonizador de alta definición HDTV.

De cara a facilitar a información aos veciños, anexamos as entidades de poboación do Concello de Ribadeo que, segundo a Oficina Técnica da TDT de Galicia, teñen ao centro emisor do Mondigo, como mellor servidor e que se beneficiarán do acendido das novas canles:

Nota de prensa