O Goberno reforza o mantemento das vías en toda a provincia, neste caso as que conectan o interior coa costa, fundamentais para a actividade económica e social do norte de Lugo
Foz, 11 de marzo de 2026.- A subdelegada do Goberno en Lugo, Olimpia López, visitou hoxe no Concello de Foz as obras de mellora do firme que o Ministerio de Transportes e Mobilidade Sostible está a executar na estrada N-642, dentro do conxunto de actuacións incluídas no sector 2 de conservación de estradas do Estado na provincia, que conta cun investimento global de 3,4 millóns de euros.
Na visita estiveron tamén presentes o alcalde de Foz, Fran Cajoto, e Francisco Muñoz, enxeñeiro técnico de Obras Públicas do Estado da Unidade de Estradas en Lugo, quen explicou os detalles técnicos das actuacións que se están a desenvolver neste tramo, con 9 máquinas en funcionamento e preto de 20 persoas traballando.
Os traballos consisten no fresado do pavimento existente e na reposición do firme, unha intervención destinada a mellorar as condicións de circulación e reforzar a seguridade viaria nunha estrada que soporta un importante volume de tráfico.
Durante a visita, Olimpia López subliñou a importancia destas actuacións nunha zona na que as infraestruturas viarias cumpren un papel esencial na conexión entre o interior da provincia e a costa lucense.
“A Mariña conta cunha rede de estradas estratéxica para a mobilidade diaria da veciñanza, para o transporte de mercadorías e para a actividade económica da comarca, por iso o Goberno mantén un compromiso claro co seu mantemento e mellora”, sinalou a subdelegada.
López explicou que estas obras forman parte do programa de conservación e mantemento das estradas do Estado no norte da provincia, que inclúe vías tan relevantes como a N-634, a autovía A-8, a N-642 e a N-640, todas elas fundamentais para vertebrar o territorio e facilitar os desprazamentos entre concellos.
“A conservación das estradas é unha tarefa constante que require planificación, investimento e presenza no territorio. O Goberno de España está a reforzar ese esforzo para garantir que as infraestruturas estean á altura das necesidades da cidadanía”, afirmou.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
