Nota de prensa
O CONCELLO DE CERVO GARANTE A PRESTACIÓN DOS SERVIZOS SOCIAIS
O rexedor, Alfonso Villares, quixo dar unha mensaxe de tranquilidade á cidadanía diante das criticas dos socialistas asegurando que seguirán prestando os servizos asistenciais e sociais como o veñen facendo ata agora
Cervo 29 de outubro de 2011.- O alcalde de Cervo, o popular Alfonso Villares, respondeu hoxe ás criticas feitas polo PsdeG local sobre a mingua nas aportacións autonómicas en materia de Asuntos Sociais a este municipio.
Villares recoñeceu que esta perda de subvencións non era boa para os intereses dos cidadáns, “pero os tempos son os que son, e a ninguén se lle escapa a realidade económica pola que está pasando este país”, ao tempo que asegurou que o Concello garantirá a prestación destes servizos.
“Diante das criticas feitas polos socialistas, o que quero é dar unha mensaxe de tranquilidade a todos os veciños e confirmarlles que esta rebaixa das aportacións do Plan Concertado non vai supor unha mingua no servizo, se non que continuaremos a prestalo como o vimos facendo ata o de agora” recalcou.
O rexedor mantivo que a pesares desta rebaixa das subvencións, Cervo “debe estar agradecido” á Xunta de Galicia no que atinxe aos servizos asistenciais e sociais. “Hai que recordar que grazas á decisión da actual Consellería de Traballo e Asuntos Sociais, e tamén ás xestións feitas dende Cervo polo anterior equipo de Goberno, imos ter neste municipio un centro de día e residencia; cousa que non aconteceu co anterior goberno bipartito da Xunta a pesares de terlle reclamado esta inversión en reiteradas ocasións” reiterou Villares.
Cervo, en contra da arbitrariedade
O rexedor cervense lembrou que a Xunta se vira obrigada a adoptar esta decisión de xeito semellante en tódolos concellos de Galicia “e polo tanto, a pesares de estar contrariados por isto, non temos que criticarlle ningún tipo de arbitrariedade contra os intereses do noso municipio; algo que non ten acontecido do mesmo xeito noutros casos onde administracións gobernadas por socialistas teñen adoptado medidas unilaterais de xeito arbitrario en contra dos intereses do concello de Cervo” recalcou.
Ao fío disto, Villares lembrou como, hai dous anos, o Goberno Central rebaixara de xeito drástico a súa aportación a este municipio polo cambio unilateral dos valores catastrais dos bens de interese especial que afectan á planta de Alcoa “e por cuxa decisión Cervo deixa de percibir 150.000 euros ao ano” sinalou. Outro dos exemplos de arbitrariedade postos polo rexedor en contra de Cervo foi a decisión da Deputación de sancionar a este concello con 20.000 euros pola presunta mala colocación duns postes do tendido eléctrico. “En ámbolos dous casos estamos a falar de decisións adoptadas por administracións gobernadas por socialistas que curiosamente son aplicadas unicamente a este concello e non a ningún outro. Diante deste tipo de actitudes arbitrarias que van en detrimento dos intereses do noso concello sen causa obxectiva xustificada, si que estamos en contra e si amosamos a nosa oposición por ser decisións claramente discriminatorias contra un concello en particular”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
