“Socialistas e nacionalistas pretenden seguir enganando aos veciños ao insisten na aplicación das axudas contempladas na declaración de emerxencia do bipartito, a sabendas de que estas axudas só poden darse a núcleos históricos ou rurais condicións que non se dan neste barrio” segundo o deputado popular Balseiro Orol
O PARLAMENTO APROBA QUE A XUNTA LLE REQUIRA AO CONCELLO DE VIVEIRO QUE NON DEMORE MÁIS A SOLICITUDE DUNHA ÁREA DE REAHIBILITACIÓN INTEGRAL PARA O BARRIO DO CELEIRIÑO
“ O Alcalde terá que explicar por que aínda non teñan efectuada formalmente a reclamación xudicial dos danos pese a que existe un acordo plenario unánime que lle obriga a facelo que data do ano 2009” segundo Balseiro, que sospeita que detrás deste atraso está o medo da Alcaldía a que a licenza outorgada á obra causante dos estragos sexa irregular
O deputado popular acusou ás forzas do bipartito de pretender seguir dilatando no tempo –pese a ter transcorrido máis de tres anos- a solución á que teñen dereito os veciños deste barrio e lamentou que o PSOE pida agora a elaboración de informes de daños, que xa deberían estar feitos
Santiago, 20 de outubro de 2011.- O Parlamento de Galicia aprobou no día de hoxe unha iniciativa na que se lle require a Xunta de Galicia a dirixirse ao Concello de Viveiro para que non demore máis a solicitude dunha área de rehabilitación integral (ARI) para o barrio do Celeiriño. A través desta figura xurídica –o ARI- os veciños poderían obter axudas para o arranxo dos danos que presentan as súas viviendas tras o derrube. O ARI posibilitaría a maiores a achega de fondos tanto autonómicos como estatais para obras de urbanización e reurbanización do barrio, no exterior das vivendas. Pese a ter transcorrido preto de tres anos desde que aconteceron os feitos, os veciños cuxas vivendas foron afectadas seguen á espera de obter estas axudas. A solicitude formal do ARI corresponde en exclusiva ao Concello de Viveiro e despois será a Xunta quen a tramite. Neste punto Balseiro lembrou xa que o propio director xeral do Instituto Galego de Vivenda, Jose Boné adiantou a postura totalmente favorable da Xunta a colaborar e achegar as axudas correspondentes unha vez solicitada a área de rehabilitación integral.
DECLARACIÓN DE EMERXENCIA
Na súa quenda de intervención o deputado popular lamentou que PSOE e BNG pretendan continuar co engaño aos veciños deste barrio. Tanto socialistas como nacionalistas defenderon as axudas comprometidas pola Xunta bipartita na declaración de emerxencia iso a pesar de que a fórmula empregada para outorgar as mesmas (cédula de rehabilitación) é inaplicable na práctica e inviable xurídicamente posto que só poden destinarse a centros históricos e núcleos rurais, e ningunha destas características as cumpre o barrio do Celeiriño. Balseiro lembrou que pese a ser advertido deste erro en múltiples ocasións o Concello fixo caso omiso, e por riba está a negarse a solicitar a declaración de ARI, demorando a solución.
RECLAMACIÓN XUDICIAL
Por outra banda, Balseiro Orol insistiu en que o Alcalde terá que explicar como é posible que aínda non teñan efectuado formalmente a reclamación xudicial dos danos –ata o momento a Xunta non ten constancia disto- pese a que existe un acordo plenario unánime que lle obriga a facelo e que data do ano 2009. Balseiro sospeita que detrás deste atraso está o medo da Alcaldía a que a licenza outorgada á obra causante dos estragos sexa irregular coas consecuentes que isto pode ter. O acordo parlamentario acadado no día de hoxe tamén esixe ao Concello a que inice esta reclamación xudicial sen máis dilacións. Balseiro lembrou ademais que xa hai sentencias favorables en procedementos iniciados por particulares.
EMENDA SOCIALISTA
Finalmente o deputado popular acusou ás forzas do bipartito de pretender seguir dilatando no tempo –pese a ter transcorrido máis de tres anos- a solución á que teñen dereito os veciños deste barrio. Lamentou que o BNG asegurara que xa se están a levar a cabo obras nas rúas –omitindo as críticas e a situación de abandono que sufren os veciños: cheiros dos sumidoiros, peche de rúas, limitado acceso de ambulancias,…-. Balseiro Orol tamén considerou incomprensible a emenda socialista na que instaba á Xunta a elaborar novos informes sobre os danos nas vivendas xa que, tres anos despois de acontecidos estes feitos, o Concello de Viveiro xa os tería que ter feitos.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
