Nota de prensa
A voceira de Benestar, Marta Rodríguez, salienta que o actual Goberno galego axilizou o abono destas axudas e a día de hoxe a gran maioría dos concellos xa recibiu as subvencións deste ano correspondentes á axuda no fogar para persoas dependentes
O PP ACUSA Á OPOSICIÓN DE “ENGANAR AOS CIDADÁNS” COAS AXUDAS DO PLAN CONCERTADO, XA QUE O SEU DESCENSO LIMÍTASE AO 5% MOTIVADO POLOS RECORTES DO GOBERNO CENTRAL
“A minoración en ningún caso afectou ás axudas concedidas dentro do programa de axuda no fogar para persoas dependentes, que mantivo o seu orzamento inicial de 23 millóns de euros”, explicou
O último recorte acometido polo Goberno central data de principios do presente ano 2011, cando rebaixou a axuda do Plan Concertado un 10 por cento e a axuda para o Plan de Desenvolvemento Xitano nun 12 por cento
Santiago, 27 de outubro de 2011.- A voceira de Benestar do Grupo Popular, Marta Rodríguez Arias, acusou hoxe aos grupos da oposición de “estar enganando aos cidadáns galegos coas súas afirmacións sobre as axudas do Plan Concertado, xa que é absolutamente falso que baixara un 80 por cento e o descenso do 5 por cento débese aos recortes realizados polo Goberno central e que padecemos todas as comunidades autónomas”. “Pola contra, o actual Goberno galego axilizou o abono destas axudas aos concellos e a día de hoxe a gran maioría xa recibiu as subvencións correspondentes ao presente ano, cando co anterior goberno bipartito o pago facíase como moi pronto no mes de decembro e, en moitos casos, co ano vencido”, indicou.
Marta Rodríguez salientou que “a minoración en ningún caso afectou ás axudas concedidas dentro do programa de axuda no fogar para persoas dependentes, que mantivo o seu orzamento inicial de 23 millóns de euros co obxectivo de dar cobertura a todos os seus usuarios”.
“A señora Sestayo erra unha vez máis nas súas críticas á Xunta de Galicia, xa que as súas reprimendas debería dirixilas cara ao Goberno central socialista que ven recortando o financiamento do Plan Concertado desde hai varios anos”, manifestou a voceira popular. Neste sentido, recordou que “o último recorte foi acometido a principios do presente ano 2011, cando rebaixou a axuda do Plan Concertado un 10 por cento e a axuda para o Plan de Desenvolvemento Xitano nun 12 por cento”.
APLICACIÓN INFORMÁTICA INNOVADORA
A voceira de Benestar do Grupo Popular salientou “o esforzo que está a facer a Xunta de Galicia para atender todas as demandas dos usuarios dos servicios sociais comunitarios, priorizando, como non pode ser doutro xeito, as axudas dirixidas a atención no fogar das persoas dependentes, ademais de axilizar o abono dos importes que corresponden a cada concello”. “Este mesmo ano, seguindo a súa liña de facilitar e axilizar o abono destas axudas, o Goberno galego puxo a disposición dos concellos unha aplicación informática para facilitar a tramitación destas subvencións e conseguir reducir o prazo para cumprimentar toda a documentación necesaria”, apuntou.
“Esta situación actual contrasta coa vivida polos concellos galegos na etapa do bipartito, cando as axudas correspondentes aos anos 2007 e 2008 as recibiron en xaneiro do ano seguinte e supoñía un afogo para as economías municipais”, recordou a voceira popular. Así mesmo, anotou que, “a día de hoxe, o 70 por cento dos concellos xa recibiron o pagamento do servicio de axuda no fogar para dependentes e o resto farano nas vindeiras semanas”.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
