Nota de prensa
OS VECIÑOS DE CERVO TERÁN QUE PAGAR UN 41% MÁIS NO RECIBO DA AUGA A PESARES DE QUE OS SOCIALISTAS VOTASEN EN CONTRA DESTA MEDIDA
-O GMS denuncia o desequilibrio entre a aportación do Concello e a dos veciños á hora de asumir a subida, “o Concello abonará tan só un 4% e os veciños pagaremos un 96%”
-A suba no prezo da auga, non é a única aplicada polo equipo de goberno, “fixarán incrementos no IVTM e a taxa pola recollida do lixo leva aumentado un 123% nos últimos 10 anos”
CERVO, 26 DE OUTUBRO. O pleno celebrado esta mañá no Concello de Cervo tivo como protagonista o desorbitado incremento que o señor alcalde, Alfonso Villares, pretende aplicar nos recibos da auga de tódolos veciños. O Grupo Municipal Socialista votou en contra desta medida proposta polo Concello xa que “supón un incremento do 41%”.
Esta subida será asumida maioritariamente por todos os cervenses pois o 96% do incremento recaerá nos veciños e o Concello só se ocupará do 4%. Os socialistas denuncian “o desequilibrio entre a aportación do Concello e a dos veciños. Pois desta forma, todos ingresaremos nas arcas municipais un total de 286.776 euros, mentres que o propio Concello só abonará uns 12.145 euros”.
Ante as medidas presentadas polo equipo de goberno no pleno, o GMS propuxo que “para poder incrementar a partida destinada a sufragar este coste, o goberno podría prescindir de certos servizos e eliminar costes superfluos coma asesores, paparazzis e gastos de publicidade, que favorecerían un equilibrio mais xusto entre o que terán que destinar os veciños e o Concello”. O PP non apoiou esta proposta.
Esta nova subida supón un incremento do 100% nos últimos 10 anos. Os socialistas de Cervo lembran que “a auga subiu nestes 8 anos un 59%, e se engadimos esta nova subida alcanzamos o 100%. Isto supón que os veciños pagarán o doble que fai 10 anos, a pesares de que o PP prometeu que coa súa xestión directa o prezo da auga non tiña por qué subir”. Todo isto é producto da nefasta xestión económica do rexedor, Alfonso Villares, que no ano 2009 rematou cun plan de rescate. “Xa daquela anunciamos que as maiores subidas chegarían máis tarde, concretamente despois das eleccións municipais daquel ano. É agora cando se demostran as nosas sospeitas e advertimos que estas subas non van ser as únicas”.
Máis subidas
En relación ó recibo da auga, os socialistas subliñan que “non só notaremos incrementos por culpa das medidas tomadas polo noso alcalde, a partires do mes de xaneiro, os recibos volverán a subir, pois a Xunta de Galicia vén de anunciar cambios no canon da auga, cambios que afectarán de novo a tódolos veciños de Cervo”.
Finalmente, dende o GMS engaden que a subida na auga non é a única aplicada polo Concello de Cervo, “a taxa pola recollida de lixo incrementouse nos últimos 10 anos un 123% de media e o Concello tamén fixará agora incrementos no IVTM (Imposto de vehículos de tracción mecánica), a pesares de que este tipo de taxa non ofreza ningún servizo básico”.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
