O Campañazo do bingo que organiza ACIA Foz xa reparteu 300 euros

A gañadora do segundo sorteo do Campañazo do bingo, que organiza ACIA Foz, foi Marisa Rivadulla. A afortunada, acompañada da súa filla, recibiu 300 euros en vales de compra para gastar no comercio focense ao longo das vindeiras semanas. A entrega do premio tivo lugar no restaurante Costume do Mar, que foi onde Marisa seguiu o sorteo do pasado venres 11 de novembro. A secretaria da Asociación de Comerciantes, Olalla Pedrosa, foi a encargada de darlle o agasallo. Mañá volta o Campañazo do bingo a partires das 23 horas. ACIA Foz pon en xogo outros 300 euros, premio que lle virá moi ben ao gañador ou gañadora, agora que se achegan as compras do Nadal.