Nota de prensa
O voceiro de Sanidade do Grupo Popular explica que o decreto publicado hoxe pola Consellería “incorpora especificamente diversos apartados da Lei de Saúde de Galicia aprobada en 2008”
“A DESESPERACIÓN DOS SOCIALISTAS LÉVAOS A CRITICAR INCLUSO A APLICACIÓN DE LEIS APROBADAS POLO GOBERNO BIPARTITO”, AFIRMA MIGUEL SANTALICES
• O voceiro explicou que “trátase dunha normativa que sae publicada anualmente e que este ano inclúe, por recomendación da Asesoría Xurídica, unha disposición adicional que permite á Consellería de Sanidade a aplicación de varios puntos do artigo 15 da citada Lei de Saúde”
Santiago, 8 de novembro de 2011.- O voceiro de Sanidade do Grupo Popular, Miguel Santalices, afirmou hoxe que “a desesperación na que viven os socialistas galegos, encabezados polo seu secretario xeral, e as súas ramificacións adxacentes, neste caso a Asociación en Defensa da Sanidade Pública, léveos a criticar incluso a aplicación das leis que aprobou o Goberno bipartito, como ocorre no decreto publicado hoxe pola Consellería de Sanidade no DOG e que incorpora especificamente diversos apartados da Lei de Saúde de Galicia aprobada en 2008, polo que non existe ningunha novidade lexislativa a este respecto”.
“Resulta especialmente rechamante a sinfonía común que interpretan os socialistas galegos e denominada Asociación en Defensa da Sanidade Pública, aínda que non sorprende cando se coñece que responsables desta organización foron altos cargos da Consellería socialista de Sanidade na etapa do Goberno bipartito ou estreitos colaboradores remunerados deste departamento”, sinalou o voceiro do Grupo Popular.
Miguel Santalices criticou “a irresponsabilidade que amosan, unha e outra vez, tanto socialistas como a citada asociación, co único obxectivo de desprestixiar a sanidade pública galega e, en consecuencia, atacar a política sanitaria do actual Goberno galego”. “O señor Vázquez non debería ter dubida algunha de que o actual Goberno galego vai adoptar cantas medidas considere oportunas, como xa se fixo en política farmacéutica, para garantir a protección da sanidade pública e o uso responsable dos servizos sanitarios”, anotou.
PUBLICACIÓN ANUAL
Respecto ao decreto publicado hoxe no DOG pola Consellería de Sanidade polo que se establecen as tarifas dos servizos sanitarios prestados nos centros dependentes do Servizo Galego de Saúde e nas fundacións públicas sanitarias, Santalices recordou que “trátase dunha normativa que sae publicada anualmente e que este ano inclúe como novidade unha disposición adicional que permite á Consellería de Sanidade a aplicación de varios puntos do artigo 15 da Lei de Saúde de Galicia”.
“Como pode comprobarse, tratase da aplicación dunha lei aprobada polo anterior Goberno bipartito da Xunta, do que formaba parte o actual secretario xeral dos socialistas galegos pero que, seguindo o guión da mentira e da terxiversación que lle marcan os asesores de Rubalcaba, omite voluntariamente para criticar ao actual Goberno galego”, sinalou o voceiro popular.
Así mesmo, apuntou que, “o que para eles é intentar introducir o copago pola porta de atrás ou un mal uso da sanidade pública, limítase a incorporar ao decreto catro puntos dos recollidos no artigo 15 da citada Lei de Saúde de Galicia aprobada en 2008, que se centran nos deberes e obrigas individuais por parte dos usuarios do Sistema Público de Saúde de Galicia”.
POR RECOMENDACIÓN DA ASESORÍA XURÍDICA
En concreto, Santalices explicou que trátase dos puntos 4, 5, 10 e 11 do citado artigo 15, que recollen, por recomendación da asesoría xurídica da Xunta de Galicia, a obriga e deberes dos cidadáns a usar axeitadamente os recursos, os servizos e as prestacións ofrecidas polo sistema sanitario; manter a debida observancia das normas establecidas en cada centro; cumprir as normas e os procedementos de uso e acceso aos dereitos que se lle outorguen a través da Lei de Saúde de Galicia; ou comunicarlle ao sistema sanitario, coa maior brevidade posible, a non utilización por calquera causa dun servizo programado previamente.
“Esto é o que entenden os socialistas e os seus adláteres por introducir o copago na sanidade pública galega, unha mostra máis da súa falta de escrúpulos para terxiversar calquera cuestión que caia nas súas mans co fin de conseguir un mínimo rédito político neste momento de campaña electoral na que as enquisas sonlles totalmente desfavorables”, manifestou.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
