Nota de prensa
O BNG CUALIFICA DE “CINISMO POLÍTICO” QUE O PP PIDA AGORA APOIO NO PARLAMENTO DESPOIS DE VOTAR EN CONTRA DE INICIATIVAS DESTINADAS Á RECUPERACIÓN DO EMPREGO NA MARIÑA
O deputado Manuel Parga acusa a J.Manuel Balseiro e Enma Álvarez de tentar “enganar” aos habitantes da comarca da Mariña e lembrou que foi o BNG na Cámara galega o que avogou por acadar un compromiso do conxunto das forzas políticas parlamentarias e do Goberno galego para dar solución e alternativas aos traballares/as afectados polos EREs en Mondoñedo e Lourenzá.
Santiago de Compostela, 27 de decembro, 2011. O deputado do BNG, Manuel Parga manifesta a súa sorpresa ante as declaracións dos deputados do Partido popular, J. Manuel Balseiro e Enma López que demandan o apoio das forzas parlamentarias para sacar adiante unha iniciativa de recuperación de emprego na comarca da Mariña, “cando hai uns días votaron en contra” de iniciativas nesta dirección.
O nacionalista acusa ao Partido popular de “cinismo político” por impedir na Cámara galega unha proposta do BNG que reclamaba “medidas concretas” para a recuperación da actividade produtiva nesta comarca, “proposta que o Partido popular impediu”.
Parga lembrou que foi a Consellería de Traballo dirixida por Beatriz Mato a que autorizou o ERE da empresa Mobles Hermida e que mantivo unha “posición pasiva” ante o peche de Aglomerados Ecar.
Neste sentido, o deputado do BNG considera que o PP segue a practicar “unha eutanasia activa” con políticas de emprego ineficaces que provocaron na provincia de Lugo e Comarca da Mariña un incremento do 40% de paro e do 32% na comarca da Mariña.
Parga lembrou que nunha recente sesión plenaria acusou á deputada do Partido popular, Enma Álvarez de defender a empresa e o ERE suspensivo de Mobles Hermida, mentres o BNG, “reclamaba a paralización deste ERE e a posta en marcha dun plan destinado a consolidar e crear postos de traballo”, Plan que o Partido popular tamén rexeitou.
O deputado do BNG denuncia a falta de partidas económicas nos orzamentos para o ano 2012 destinadas a xerar emprego na Comarca da Mariña e rexeita que sexa a oposición a que esta a crear sufrimento ás familias, “o PP erra por acción e omisión”, por acción autorizando o peche de Aglomerados Ecar en Mondoñedo e en Lourenzá o ERE de Mobles Hermida elevando o desemprego e por omisión, “esquecendo nos orzamentos á Comarca da Mariña”.
O parlamentario do BNG pide que o Partido popular “rectifique” nas súas políticas de emprego e remate cunha “cerimonia de confusión” na que ninguén acredita.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
