Burela, 7 de outubro, 2026. A Confraría de Pescadores ‘San Juan Bautista’ de Burela celebrou unha nova experiencia de turismo mariñeiro para dar a coñecer a súa historia, a actividade pesqueira e o patrimonio do porto.
A iniciativa enmárcase no proxecto de cooperación Mar e Rías: Pesca & Turismo, no que participan os oito GALPs de Galicia, entre eles o GALP A Mariña-Ortegal.
A actividade reuniu persoas do Centro de Día Coidando de Vos, da Asociación Saúde Mental A Mariña, público xeral e á xerente do GALP, nunha visita guiada por Diana Durán García, secretaria da Confraría.
Un percorrido pola vida do porto
Durante a visita, o grupo coñeceu: o funcionamento interno da confraría, os distintos tipos de embarcacións, e a actividade diaria do porto pesqueiro de Burela.
A experiencia permitiu achegarse á historia dunha entidade fundamental na evolución económica e social da localidade e ao traballo das persoas que viven do mar.
Os murais do centenario, unha parada imprescindible
Un dos puntos máis destacados foron os murais que decoran as catro fachadas da confraría, creados en 2024 con motivo do seu centenario dentro do proxecto PESCARTE: a prol da Pesca Costeira Artesanal.
As obras, realizadas por Martín Lestao, Belén Mogo, Héctor Manasé e Diego Domínguez, representan escenas da vida mariñeira de Burela:
redeiras, vendedoras de peixe, embarcacións, especies mariñas e momentos da pesca do bonito.
Tamén incorporan símbolos da identidade local como o torques de Burela, a Virxe do Carme e San Juan Bautista, patrón da confraría.
Arte inclusiva para un patrimonio accesible
Os murais integran unha dimensión social e inclusiva: na súa creación participaron diferentes colectivos de Burela, e a fachada conta cunha versión tiflolóxica e explicación en braille, facilitando o acceso ás persoas con discapacidade visual.
Unha experiencia para descubrir Burela desde o seu porto
A actividade permitiu comprender a relación entre a pesca, os seus profesionais e a historia da vila, mostrando o porto como un espazo vivo de identidade e memoria.
Sobre Mar e Rías: Pesca & Turismo
Este proxecto de cooperación, impulsado polos oito GALPs de Galicia, busca crear novas experiencias que poñan en valor o patrimonio, os profesionais e a cultura mariñeira dos territorios costeiros galegos.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
