Nota de prensa
O BNG DE FOZ DENUNCIA QUE O PP PAGA FACTURAS SEN SEGUIR A ORDE DE PRELACIÓN LEGAL
“Que pensarán os suministradores e empresarios que teñen facturas sen pagar desde hai anos?” declara Basanta
Foz, a 28 de decembro de 2011.- O BNG de Foz quer manifestar que o actual goberno local segue a vulnerar a lei no que ten que ver co pagamento de facturas e en concreto no referente ao precepto legal do Réxime Xurídico das Administracións Públicas que di claramente que “no despacho dos expedientes gardarase a orde rigorosa de incoación en asuntos de homoxénea natureza…” .
O Goberno Local na persoa do Alcalde, o Sr. Castiñeira, mandou pagar varias facturas cando existen outras moi anteriores pendentes de pagar. Concretamente, deuse a orde de pagar algunhas facturas con data de 5 de abril de diferente material que se usou na Festa do Berberecho por valor de 485 euros, facturas a unha operadora de móbiles con data de agosto e setembro deste ano por móbiles que son do Concello por valor de 1.053 euros e a dun arrendamento de terreos de agosto e setembro pola cantidade de 495,80 euros.
Todas estas facturas foron intervidas desfavorablemente polos servizos municipais de Intervención precisamente porque na data de aprobación e expedición das ordes de pagamento e correspondente pagamento material destas facturas “existen no Concello obrigas contraídas en exercicios anteriores e que se atopan pendentes de ordenar o pagamento e de pagar”, situación que como dixemos contravén todas as normas legais.
Para o BNG é moi grave que, como co anterior goberno, se continúe pagando as facturas que ao alcalde de turno lle ven en gaña, como e cando quere. En primeiro lugar, porque se está vulnerando a lei –cuestión de por si moi grave- e en segundo lugar, porque hai persoas e empresas que levan esperando que se lles pague máis dun ano e ven como a outros se lles paga sen poñerse á cola. ¿Qué poden pensar esas persoas e empresas? Pois o que sucede na realidade: que este goberno ten preferencias á hora de pagar as facturas do Concello con cartos que son públicos e que se deberían xestionar ben. Por iso, o BNG esixe unha rectificación do Goberno Municipal na política de pagos para que cumpra escrupulosamente a lei e garde a rigorosa orde de pagamento.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
