UNIFOZ realiza balance de propostas presentadas e acordos plenarios executados e conclúe que o goberno do PP de Foz son seis meses perdidos

Nota de prensa

Despois de case seis meses de goberno do PP en Foz, temos que seguir calificando como SUSPENSO, e por conseguinte seis meses perdidos na xestión do noso Concello.

Sen iniciativa, sen diálogo, incumprimento da lei, abuso de autoridade, e falta de consideración cos grupos da oposición, xustifican o anterior calificativo.

UNIFOZ, quere dicirlle ao PP de Foz, e de forma máis particular ao E. Goberno que si as cousas non saen a diante nos Plenos é porque este goberno non sabe gobernar.

Gobernar é :administrar, consensuar, organizar….. e estes Srs. non o están a facer.

Adícanse a traer ao Pleno propostas das empresas concesionarias e cargarlle máis impostos aos cidadáns como si a única preocupación deste goberno fora ter máis cartos a costa de subir impostos sen máis, coa finalidade de privatizar servizos (cursos manualidades, xardinería, limpeza aceras…..).

O PP de Foz, so busca sete votos para aprobar as súas propostas, pero non quere diálogo ni consenso político.

UNIFOZ, considera que as empresas concesionarias teñen dereito a reclamar a regularización dos prezos dos servizos, pero esas peticións deberán estar contrastadas por informes técnicos municipais, e despois facer o que corresponda.

Para que quere o E.Goberno máis ingresos???

Como é posible que digan que non hai cartos no Concello e que lle preocupa pagar aos provedores e despois contrate a dedo por 43.000 € unha empresa de fora do Concello para traballos de xardinería, ou unha tamén de fora do Concello para limpar as beirarrúas mentres os traballadores do Concello están limpando a capela da Espiñeira.?

Non sería máis fácil organizar a plantilla municipal para facer eses traballos, tendo en conta que hai case 70 persoas traballando no concello dos que tres son xardineiros, por exemplo….

Como é posible que diga que non hai cartos e na organización das festas deixe un déficit estimado de 60.000 € (aínda que non o podemos saber realmente porque non nos foron entregadas as contas despois de fai máis dun mes que as pedimos).

O Concello de Foz, necesita un proxecto económico sostible económicamente e iso chamase ORZAMENTOS MUNICIPAIS, onde se contemplen máis ingresos, pero en especial CONTENCIÓN DO GASTO, aforro enerxético en edificios públicos, alumeado despois da media noite….

Uns Orzamentos, onde se recollan a modificación de taxas como a da auga, a do lixo, a dos bados…….pero tamén necesita un plan de aforro, e necesita un plan de inversión que marque unha dirección a este pobo, a onde queremos ir, no eido do comercio, turismo, e de servizos municipais….

Uns Orzamentos con consenso, e onde figure claramente o fortalecemento dos servizos para as persoas que máis o necesitan.

O Sr. Castiñeira quere un cheque en branco, quere ter máis ingresos con máis impostos aos cidadáns aínda que non teñan debidamente xustificados para ter máis crédito e gastar ao seu antoxo e para iso necesita 7 concelleiros do PP, para iso necesitaba sacar nas pasadas eleccións municipais o mesmo resultado que sacou o Sr. Rajoy en Foz, pero como iso non é posible, pois terá que gobernar con algún grupo da oposición queira ou non queira.

UNIFOZ, dixo dende o primeiro día estar en disposición de axudar a gobernar, como o demostra que en seis meses de lexislatura presentou en pleno 19 iniciativas, 19 ideas e propostas para traballar por Foz.

A postura de UNIFOZ no pasado pleno xa coñecida polo E.Goberno antes do mesmo, foi contraria a do E.Goberno nos seguintes apartados:

-Préstamo ICO de 335.000 €, pois entendemos que iso é empeñar máis o Concello (44.000 €) e entendemos que o novo goberno do PP dixo que sacaría un mellor crédito para os concellos, e temos que engadir o que di o informe de intervención:

“…esta operación de crédito ….non soluciona o problema de fondo que se manifesta nas dificultades de tesourería,….Simplemente outorga un parche de liquidez…..e que, se non se toman medidas concretas de redución e control do gasto superfluo sobre todo de natureza corrente e/ou medidas para incrementar os ingresos, non servirá de nada”

-Taxa saneamento, entendemos que hai que tentar de que a colla a Xunta igual que no Valadouro, pois é esta a que deseña e instala as depuradores, e tamén que ten que controlar o bo funcionamento, e si non se consigue,: haberá que negociar coa empresa para tentar de mellorar as condicións e que iso poda supoñer unha taxa menor para os veciños.

Prezo de auga +20%, entendemos que non están debidamente xustificados todos os argumentos, e segundo os informes técnicos, entendemos tamén que a empresa ten menos mantemento, pois a rede é case toda nova, en todo caso o lóxico podía ser aplicar ese 20% a dous anos para os veciños.

Prezo de Piscina polo Spa + 10%, entendemos que o SPA, non pode supoñer máis prezo para todos os usuarios da piscina, tería que recaer nos que utilizan o Spa, e en todo caso o informe creo non está ben feito,nin contrastado polos técnicos municipais………..

Tamén merece mención especial, a proposta que UNIFOZ fixo en defensa dos intereses dos veciños de San Acisclo, e de forma particular en contra dunha decisión unilateral do Alcalde encontra da opinión xeral dos veciños instalando unha marquesiña irregularmente.

UNIFOZ, tamén quere clarificar ante os cidadáns que UNIFOZ non é Jaime Cancio, e que unha cousa é que o Sr. Rivera e J. Cancio tiveran dificultades de entendemento no pasado, e outra é que o PSOE e UNIFOZ, podan chegar a acordos puntuais no futuro.

Un programa para Foz, preto de 1.300 votos, 16 persoas dunha lista en sentido horizontal é un G.M. formado por Ana López, Ángeles Veiga, e Jaime Cancio.,….isto todo é UNIFOZ, a as súas decisións son e serán pensando no presente e no futuro de Foz.

A este E. Goberno parece que lle queda moi grande gobernar o concello de Foz, tanto en iniciativa como en organización, pero sobre todo en CONSENSO e DIÁLOGO político, pois goberna en forma de martelo, e neste apartado, sería bo que tomara nota doutros concellos da comarca que aínda que non teñen maioría si son quen de consensuar e avanzar.

UNIFOZ, tamén anuncia, que está disposto a acudir aos tribunais en caso de que este goberno siga incumprindo o que di o ROF (R.D.2568/1986) de entregarnos a documentación solicitada en tempo e forma, ou ante o incumprimento de acordos plenarios.

PPlenos

PLENOS

ESCRITOS